"რუსთავი 2-დან" საინფორმაციო სამსახურის უფროს ნოდარ მელაძეს, ტელეწამყვან ეკა კვესტიაძეს, გიორგი გაბუნიას, ნანუკა ჟორჟოლიანს და არხის გენერალური დირექტორის მოადგილე გიორგი ლაფერაშვილს გაათავისუფლებენ. ამის შესახებ ბრიფინგზე ტელეკომპანიის გენერალურმა დირექტორმა პაატა სალიამ განაცხადა. მისი თქმით, ჟურნალისტი, რომელიც მათთან მუშაობს, თუმცა სხვა პირებთან ერთად რაღაცას ასაჩივრებს, ან იმ ადამიანებთან ერთად მოიაზრებს თავს, ვინც დავას სტრასბურგში აპირებს, ინტელექტთა კონფლიქტშია არხთან და აქ საქმიანობის გაგრძელებას ვერ შეძლებს.

"მიღებულია შესაბამისი გადაწყვეტილება იმ ადამიანებზე, რომლებიც შვებულებაში არიან და აკეთებენ უპასუხისმგებლო განცხადებებს, რომ თურმე სხვა ტელევიზიის დაუძნებაში მონაწილეობენ, რაც ჩვენი ხელშეკრულებით აკრძალულია. ეკა კვესიტაძემ განაცხადა, რომ ის და მისი გუნდი გვარამიასთან ერთად აკეთებს ახალ ტელევიზიას. როგორ შეიძლება ორ არხზე მუშაობდეს ერთდროულად", - განმარტა პაატა სალიამ.

გენერალური დირექტორის თქმით, ნიკა გვარამიასთან სასამართლო დავის გარდა, სარჩელით სასამართლოს შეიძლება ნოდარ მელაძის და გიორგი გაბუნიას წინააღმდეგაც მიმართონ. განმარტა, რომ ისინი გათავისუფლდნენ იმ ზარალიდან გამო, რაც კომპანიას მიადგა.

სალია ირწმუნება, რომ ჟურნალისტების სარედაქციო პოლიტიკაში ჩარევას არ აპირებს.