სუჯუნაში ძეგლის აღდგენაზე საპატრიარქომაც უნდა იზრუნოს - ნიკოლოზ ანთიძე
კულტურული მემკვიდრეობის დაცვის ეროვნულ სააგენტოში ამბობენ, რომ
სოციალურ ქსელში
გავრცელებული ინფორმაცია, თითქოს აბაშის სოფელ სუჯუნაში, აკაკი
ხოშტარიას მიერ აშენებული სასახლის დამახინჯება ხდება, არასწორია.
სააგენტოს ხელმძღვანელმა ნიკოლოზ ანთიძემ "ლაივპრესს" უთხრა, რომ მისი
ცნობით, გადაკეთების სამუშაოები შენობაზე დაახლოებით ათი წლის
წინანდელი ამბავია, დღეს კი რატომღაც ისე ვრცელდება ინფორმაცია,
თითქოს ყველაფერი დღეს ხდება, რაც არასწორია.
ანთიძე ირწმუნება, რომ ამ ფაქტებზე სახელმწიფოს მხრიდან თავის დროზე იყო რეაგირება. თუ რა სახის და როდის, მასალებს ამოიღებენ არქივიდან და საზოგადოებას მიაწვდიან ინფორმაციას.
"მე მიკვირს, რატომ ხდება უკაცრავად ჟარგონისთვის, საქმეების ნაფტალინიდან ამოღება, როცა უფრო მეტი, საკმაოდ სერიოზული პრობლემებია იგივე უშგულში, უნებართვოდ განხორციელებული მშენებლობები და სხვა. მაშინ თუ არ ვცდები, პოლიციასაც ეცნობა რეაგირებისთვის. ეს ინფორმაცია არ არის გუშინდელი და გუშინწინდელი. ისტორიული ფაქტების გაცოცხლება ხდება და წარმოჩინება, თითქოს დღეს ხდება. რატომ, არ ვიცი", - უთხრა ნიკოლოზ ანთიძემ "ლაივპრესს".
სოციალურ ქსელში გავრცელებულ ინფორმაციაზე, თითქოს, სასახლეს მეუფის რეზიდენციისთვის ამზადებენ, სააგენტოს ხელმღვანელს ინფორმაცია არ აქვს.
სასახლე საპატრიარქოს სახელმწიფომ რამდენიმე წლის წინ გადასცა. ზუსტად როდის, ვერ იხსენებს. რამდენიმე წლის წინ მიენიჭა ძეგლის სტატუსიც. თუმცა 2015 წლის მაისში, როცა ჩვენ სუჯუნის სასახლეზე მასალა მოვამზადეთ, შენობას ეს სტატუსი ჯერ კიდევ არ ჰქონდა.
რაც შეეხება სასახლის აღდგენას, ნიკოლოზ ანთიძის თქმით, საქართველოში 20 ათასამდე კულტურული მემკვიდრეობის ძეგლია. ამიტომ, მესაკუთრეებსაც აქვთ ვალდებულებები და უფლებამოსილება კანონმდებლობით, იზრუნონ ძეგლის აღდგენაზე მათთან შეთანხმებით.
"მარტო სახელმწიფოს შემყურე, რომ ძეგლს სჭირდება რეაბილიტაცია, ეს არასწორია და საქმეზე ორიენტირებული მიდგომა არ არის", - განმარტა მან.
ცნობილმა ქართველმა ფინანსისტმა, საზოგადო მოღვაწემ და ქველმოქმედმა აკაკი ხოშტარიამ დედის სახელზე აბაშის სოფელ სუჯუნაში ევროპელი არქირექტორების დახმარებით სახლი 1915 წელს ააშენა. თუმცა ძეგლი დღეს განადგურების პირასაა. აქ დაზიანებულია, როგორც შენობის გარე ფასადი ისე, შიდა ინტერიერი. სახურავიდან ჩასულმა წვიმამ თავის დროზე გააფუჭა სხვადასხვა ორნამენტებით შემკული სახლის ჭერი და კედლები.
რა გეგმები აქვს მესაკუთრეს შენობასთან დაკავშირებით, პასუხს "ლაივპრესი" საპატრიარქოსგან ელოდება.
ანთიძე ირწმუნება, რომ ამ ფაქტებზე სახელმწიფოს მხრიდან თავის დროზე იყო რეაგირება. თუ რა სახის და როდის, მასალებს ამოიღებენ არქივიდან და საზოგადოებას მიაწვდიან ინფორმაციას.
"მე მიკვირს, რატომ ხდება უკაცრავად ჟარგონისთვის, საქმეების ნაფტალინიდან ამოღება, როცა უფრო მეტი, საკმაოდ სერიოზული პრობლემებია იგივე უშგულში, უნებართვოდ განხორციელებული მშენებლობები და სხვა. მაშინ თუ არ ვცდები, პოლიციასაც ეცნობა რეაგირებისთვის. ეს ინფორმაცია არ არის გუშინდელი და გუშინწინდელი. ისტორიული ფაქტების გაცოცხლება ხდება და წარმოჩინება, თითქოს დღეს ხდება. რატომ, არ ვიცი", - უთხრა ნიკოლოზ ანთიძემ "ლაივპრესს".
სოციალურ ქსელში გავრცელებულ ინფორმაციაზე, თითქოს, სასახლეს მეუფის რეზიდენციისთვის ამზადებენ, სააგენტოს ხელმღვანელს ინფორმაცია არ აქვს.
სასახლე საპატრიარქოს სახელმწიფომ რამდენიმე წლის წინ გადასცა. ზუსტად როდის, ვერ იხსენებს. რამდენიმე წლის წინ მიენიჭა ძეგლის სტატუსიც. თუმცა 2015 წლის მაისში, როცა ჩვენ სუჯუნის სასახლეზე მასალა მოვამზადეთ, შენობას ეს სტატუსი ჯერ კიდევ არ ჰქონდა.
რაც შეეხება სასახლის აღდგენას, ნიკოლოზ ანთიძის თქმით, საქართველოში 20 ათასამდე კულტურული მემკვიდრეობის ძეგლია. ამიტომ, მესაკუთრეებსაც აქვთ ვალდებულებები და უფლებამოსილება კანონმდებლობით, იზრუნონ ძეგლის აღდგენაზე მათთან შეთანხმებით.
"მარტო სახელმწიფოს შემყურე, რომ ძეგლს სჭირდება რეაბილიტაცია, ეს არასწორია და საქმეზე ორიენტირებული მიდგომა არ არის", - განმარტა მან.
ცნობილმა ქართველმა ფინანსისტმა, საზოგადო მოღვაწემ და ქველმოქმედმა აკაკი ხოშტარიამ დედის სახელზე აბაშის სოფელ სუჯუნაში ევროპელი არქირექტორების დახმარებით სახლი 1915 წელს ააშენა. თუმცა ძეგლი დღეს განადგურების პირასაა. აქ დაზიანებულია, როგორც შენობის გარე ფასადი ისე, შიდა ინტერიერი. სახურავიდან ჩასულმა წვიმამ თავის დროზე გააფუჭა სხვადასხვა ორნამენტებით შემკული სახლის ჭერი და კედლები.
რა გეგმები აქვს მესაკუთრეს შენობასთან დაკავშირებით, პასუხს "ლაივპრესი" საპატრიარქოსგან ელოდება.