ახალი ამბები
აუტიზმი, როგორც „ტვირთი“ - ფორუმ თეატრის სპექტაკლი რეალურ ამბებზე [ვიდეო]
FaceBook Twitter
E-mail Print
მოქმედება სკოლაში ვითარდება, სადაც აუტისტური სპექტრის აშლილობის მქონე ბავშვი ჰყავთ. ერთი შეხედვით ყველამ იცის, რომ მოსწავლე დანარჩენებისგან რამდენადმე განსხვავებულია, თუმცა პრობლემისადმი მხოლოდ გულგრილი, მექანიკური მიდგომა არსებობს. აქ ის მხოლოდ ზედმეტი ტვირთია, კლასისთვის ხელისშემშლელი ბიჭი - ვაწყდებით მსგავს დამოკიდებულებას ზოგიერთი პედაგოგის და მშობლის მზრიდან. ამ შინაარსის სიუჟეტი გაითამაშეს დღეს დემოკრატიული ჩართულობის ზუგდიდის ცენტრში ფორუმ თეატრის მოხალისე მსახიობებმა. მოქალაქეები შეეცადნენ ეჩვენებინათ არც თუ იშვიათი რეალობა - საკითხისადმი ზედაპირულობა, დაბალი ცნობიერება, რაც სპეციალური საჭიროების მქონე ბავშვს უუფლებოდ აქცევს, არ აძლევს მას თანაბარ გარემოში განვითარების, განათლების მიღების შესაძლებლობას.

მშობლის არგუმენტი ასეთია - კლასში, სადაც იმ მასწავლებლის შტატი გააუქმეს, სადაც სწორედ მსგავსი მოსწავლე ჰყავთ, თითქოს ჩნდება პრობლემა და კითხვის ნიშანი - დაიჩაგრებიან თუ არა დანარჩენი ბავშვები, როცა პედაგოგის ყურადღება დიდწილად შესაძლოა მხოლოდ აუტისტური სპექტრის აშლილობის მქონე ბავშვს დაეთმოს, სხვებისთვის კი ეს გარემოება ხელისშემშლელი აღმოჩნდეს.

გამოსავლის ძიებაში ერთვებიან ფორუმ თეატრის მაყურებლებიც, რომლებიც ცდილობენ შეარბილონ დამოკიდებულების სიხისტე და თითოეული მოსწავლის განვითარებისთვის საჭირო საერთო პირობებზე შეჯერდნენ. მოხალისე მსახიობი ანა თოდუა, რომელიც პრეტენზიულ მშობელს განასახიერებს, ამბობს, რომ პრობლემის გადაწყვეტის პროცესში ბევი რგოლი უნდა ჩაერთოს. თუმცა პირველ რიგში თავად დედებმა და მამებმა უნდა მოინდომონ ცვლილება საკუთარ თავში, რათა შვილის პროგრესს და საბოლოოდ, საზოგადოების სწორად ფორმირებას შეუწყონ ხელი.

"ალბათ სპეციალური ვიდეორგოლების ჩვენება, დატრენინგება, ცნობიერების ამაღლება უნდა მოხდეს მშობლებში, რომლებიც ამ ყველაფერში პრობლემას ხედავენ, და არ იციან, რომ ის ბავშვიც ისეთივე უფლებებით სარგებლობს, როგორც მათი. სწორედ ასეთი მშობლებისთვის უნდა იყოს სპეციალური პროგრამები, რათა გაძლიერდნენ", - აღნიშნა ანა თოდუამ.

მისივე თქმით, ძალიან ხშირია ტერმინოლოგიის არასწორი გამოყენება მსგავსი და სხვა საჭიროების ადამიანთა მიმართ, იგივე სკოლაში მასწავლებელთა მხრიდან, მშობლებისგან, რაც უნდა შეიცვალოს.

მესამე საჯარო სკოლის მასწავლებლის, თამარ ჯიქიას თქმით, რომელიც სწორედ ამ საჭიროების მქონე ბავშვებთან მუშაობს, პრობლემა მთლიანად საზოგადოებაშია, ამიტომაც, როცა მოგვარებაზე ვსაუბრობთ, პასუხისმგებლობა ყველამ უნდა გაინაწილოს, მხოლოდ ერთის საზრუნავი ეს თემა უნდა იყოს.

"ის, რომ მასწავლებელი ტიპიური განვითარების მქონე ბავშვის მშობელს ეთანხმება იმაში, რომ ასეთი ბავშვი უნდა გაირიცხოს სკოლიდან, აქ უკვე პედაგოგის ცნობიერების საკითხი დგება - იცის კი მან, რას ნიშნავს ინკლუზიური განათლება, ამასაც რომ შევეშვათ, იცის მან ბავშვთა უფლებები?", - აღნიშნა მან.

თავის მხრივ, შეხვედრის ორგანიზატორის და ინიციატორის, "კრეატიული განვითარების ცენტრის" წარმომადგენელ დავით მირველაშვილის განცხადებით, პირველ რიგში აუცილებელია ყველა სექტორის, მათ შორის სახელმწიფოს ჩართულობა გაიზარდოს პრობლემის გადაწყვეტის პროცესში. ეს, მისი განმარტებით იმისთვის, რომ ზუსტად ვიცოდეთ, თუ რა გვჭირდება, რა საკითხებზე უნდა ვიმუშაოთ. მეორე კომპონენტი, როგორც აღნიშნა, საზოგადოების გაძლიერებაა. კერძოდ, მეტი განათლება, რაც ცნობიერებას და საჭირო ინფორმაციის მიღებას გულისხმობს. მუშაობა, ორგანიზაციის წარმომადგენლის აზრით, სწორედ სკოლის ასაკის ბავშვებიდან უნდა დაიწყოს, მოგვიანებით, სხვა ასაკობრივი კატეგორიის პირებისთვის კი საგანმანათლებლო პროგრამები მომზადდეს.

"უნდა იყოს მეტი სახელმძღვანელო, მეტი პრაქტიკა, მეტი დაინტერესებული ადამიანი. ეს არის ალბათ პირველი ნაბიჯი პრობლემის მოსაგვარებლად. დანარჩენი დროის ამბავია", - განაცხადა დავით მირველაშვილმა.

ორგანიზაცია მსგავსი ტიპის შეხვედრებს პერიოდულად ქვეყნის სხვადასხვა ქალაქში მართავს.

Print E-mail
Twitter
სხვა მასალები
დღეს შეიქმნა პეტიცია, სახელწოდებით
22:33 / 24.02.2020
დღეს შეიქმნა პეტიცია, სახელწოდებით "თეატრი ზუგდიდს", რომლის
დადიანების შთამომავლები, პრინცი ალენ მიურატი და პრინცესა ვერონიკა,
ზუგდიდის მუნიციპალიტეტის
18:43 / 24.02.2020
დადიანების შთამომავლები, პრინცი ალენ მიურატი და პრინცესა ვერონიკა, ზუგდიდის მუნიციპალიტეტის
ზუგდიდის მაცხოვრის კარის ეკლესია, 1924 წელს საბჭოთა ოკუპაციის
წინააღმდეგ
14:50 / 24.02.2020
ზუგდიდის მაცხოვრის კარის ეკლესია, 1924 წელს საბჭოთა ოკუპაციის წინააღმდეგ
საქართველოს პირველობაზე კადეტ მოკრივეთა შორის, ფოთელმა
სპორტსმენებმა საპრიზო ადგილები
14:38 / 24.02.2020
საქართველოს პირველობაზე კადეტ მოკრივეთა შორის, ფოთელმა სპორტსმენებმა საპრიზო ადგილები
ვიდეო
ენგურის ხიდი სოხუმის მიერ გამოცხადებული კარანტინის პირობებში [ვიდეო]
აფხაზეთის დე ფაქტო რესპუბლიკის პრეზიდენტის მოვალეობის
ქუჩისთვის შეცვლილი სახელი, რომელზეც ინფორმაცია მოსახლეობას არ ჰქონდა [ვიდეო]
არასამთავრობო ორგანიზაციების რეკომენდაციების შემდეგ ზუგდიდის
პორტის ერთ-ერთი მშენებელი კომპანია ანაკლიას ტოვებს [ვიდეო]
„ანაკლიის განვითარების კონსორციუმის“ ქვეკონტრაქტორ
ენგურის ხიდი, სოხუმში მიმდინარე საპროტესტო აქციების პარალელურად [ვიდეო]
ოკუპირებული გალის მცხოვრებლებს სოხუმში მიმდინარე
ღორის ხორცის საშობაო ბაზრობა ზუგდიდში [ვიდეო]
ზუგდიდის ცენტრალურ სუპერმარკეტში საშობაოდ
ფოტო
მამზიშხას მთა [ფოტო]
მამზიშხას მთა აფხაზეთში, გაგრიდან 6 კილომეტრში მდებარეობს.
ხანმოკლე თოვა ზუგდიდში [ფოტო]
ზუგდიდში გათოვდა. თოვა ხანმოკლე იყო და მალევე დადნა.
ოკაცეს ჩანჩქერი ყინულის ლოლოებით [ფოტო]
ოკაცეს ჩანჩქერი წლის ნებისმიერ დროს ლამაზია.
„სამოქალაქო აქტივიზმი“
ზუგდიდში, ცოტნე დადიანის #3-ში, მრავალბინიანი საცხოვრებელი
სამეგრელო-ზემო სვანეთის ნაძვის ხეები [ფოტო]
სამეგრელო-ზემო სვანეთის ყველა მუნიციპალიტეტში
მზარეულის მაგიდა
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მეგრული ჯანჯუხა ტრადიციული რეცეპტით [ვიდეო]
მეგობრები, 80 წლის ეთერ ფაჟავა და თამარ შარია მეგრულ
გოგრის მაფინები გვანცასგან
ყველამ ვიცით, რომ გოგრა გემრიელთან ერთად სასარგებლო
გოგრის კრემ-სუპი გვანცასგან
გოგრის კრემ-სუპი მარტივად მოსამზადებელი, გემრიელი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.