სკოლებში, სადაც სწავლის დაწყება დაგვიანდა, გაცდენილი საათები შაბათს ანაზღაურდება
სკოლებში, სადაც სასწავლო წელი სამშენებლო სამუშაოების გამო
დაგვიანებით დაიწყება, გაცდენილი საათები შაბათს ანაზღაურდება. როგორც
ჟურნალისტებს განათლების, მეცნიერების, კულტურის და სპორტის
მინისტრმა, მიხეილ ბატიაშვილმა განუცხადა, სკოლების რეკონსტრუქცია
რამდენიმე დღეში დასრულდება და ამიტომ, მოსწავლეების სხვა სკოლებში
გადანაწილების საჭიროება არ არსებობს.
„მოგეხსენებათ, რომ 700-მდე სკოლაში რეაბილიტაცია მიმდინარეობდა. საქართველოში სკოლის ინფრასტრუქტურის ამხელა მასშტაბის რეაბილიტაცია არასდროს ყოფილა. დარჩა 19-მდე სკოლა, რომელსაც რამდენიმე დღე სჭირდება, რომ სამუშაოები დამთავრდეს. მაქსიმუმ 2 კვირის ფარგლებში ამ სკოლებში აღდგება სწავლა და გაცდენილი საათები შაბათ დღეს ანაზღაურდება. ყველაზე მთავარია ის პროექტები, რომელიც წელს ინფრასტრუქტურულად განხორციელდა“, - განაცხადა ბატიაშვილმა.
ცნობისთვის, ზუგდიდის მუნიციპალიტეტის ყველა სკოლაში სასწავლო პროცესი დაიწყო. ორ - მეშვიდე და მეთერთმეტე საჯარო სკოლებში ვერ მოესწრო ახალი საპირფარეშოების მოწყობა. აქ ტერიტორია გადატიხრულია, თუმცა ადგილობრივი რესურსცენტრის ინფორმაციით, სასწავლო პროცესი არ ფერხდება. სამუშაოები რამდენიმე დღეში დასრულდება. მანამდე სკოლა ძველი ტუალეტებით ისარგებლებს. ასევე, ეზოში მცირე სახის სამუშაოები დარჩა მეოთხე საჯარო სკოლაში.
სარემონტო სამუშაოები ვერ მოესწრო მესამე საჯარო სკოლაში, ამიტომაც მოსწავლეები სწავლას მეთორმეტე საჯარო სკოლაში გააგრძელებენ.
„მოგეხსენებათ, რომ 700-მდე სკოლაში რეაბილიტაცია მიმდინარეობდა. საქართველოში სკოლის ინფრასტრუქტურის ამხელა მასშტაბის რეაბილიტაცია არასდროს ყოფილა. დარჩა 19-მდე სკოლა, რომელსაც რამდენიმე დღე სჭირდება, რომ სამუშაოები დამთავრდეს. მაქსიმუმ 2 კვირის ფარგლებში ამ სკოლებში აღდგება სწავლა და გაცდენილი საათები შაბათ დღეს ანაზღაურდება. ყველაზე მთავარია ის პროექტები, რომელიც წელს ინფრასტრუქტურულად განხორციელდა“, - განაცხადა ბატიაშვილმა.
ცნობისთვის, ზუგდიდის მუნიციპალიტეტის ყველა სკოლაში სასწავლო პროცესი დაიწყო. ორ - მეშვიდე და მეთერთმეტე საჯარო სკოლებში ვერ მოესწრო ახალი საპირფარეშოების მოწყობა. აქ ტერიტორია გადატიხრულია, თუმცა ადგილობრივი რესურსცენტრის ინფორმაციით, სასწავლო პროცესი არ ფერხდება. სამუშაოები რამდენიმე დღეში დასრულდება. მანამდე სკოლა ძველი ტუალეტებით ისარგებლებს. ასევე, ეზოში მცირე სახის სამუშაოები დარჩა მეოთხე საჯარო სკოლაში.
სარემონტო სამუშაოები ვერ მოესწრო მესამე საჯარო სკოლაში, ამიტომაც მოსწავლეები სწავლას მეთორმეტე საჯარო სკოლაში გააგრძელებენ.