აფხაზეთის დე ფაქტო რესპუბლიკის პრეზიდენტი რაულ ხაჯიმბა რუსეთის პრეზიდენტ ვლადიმირ პუტინს დაბადების დღეს ულოცავს და თან მადლობას უხდის აფხაზეთის „სახელმწიფოებრიობის“ შენარჩუნებაში შეტანილი წვლილისთვის.

მილოცვის ტექსტში ნათქვამია, რომ ვლადიმირ პუტინის პრეზიდენტობის პერიოდში რუსეთის ფედერაციამ უდაოდ დიდ წარმატებებს მიაღწია ყველა სფეროში.

„აფხაზ ერს მუდამ ემახსოვრება და დააფასებს თქვენს ღვაწლს ჩვენი სახელმწიფოებრიობის შენარჩუნებაში, სოციალურ და ეკონომიკურ მხარდაჭერაში.

ვსარგებლობ რა შემთხვევით, ძვირფასო ვლადიმირ ვლადიმიროვიჩ გულწრფელად გისურვებთ, ჯანმრთელობას, დიდ ხანს სიცოცხლეს, მშვიდობას და წარმატებებს ყველა წამოწყებაში.