ახალი ამბები
სახელმწიფო ბიუჯეტიდან ყველაზე მეტ დაფინანსებას სამეგრელოში ზუგდიდი მიიღებს - droa.ge
FaceBook Twitter
E-mail Print
2020 წელს, სამეგრელო-ზემო სვანეთის მუნიციპალიტეტებს შორის ყველაზე მაღალ დაფინანსებას ცენტრალური ბიუჯეტიდან ზუგდიდის მუნიციპალიტეტი მიიღებს. ინფორმაციას თვითმმართველობის პორტალი droa.ge სახელმწიფო ბიუჯეტის მომდევნო წლის პროექტზე დაყრდნობით აქვეყნებს.

მთავრობა თვითმმართველობებს დღგ-ის სახით მიღებული შემოსავლების 19%-ის უნაწილებს. როგორც თვითმმართველობის პორტალი წერს, მიუხედავად იმისა, რომ დღგ-ის 19%-იდან ზუგდიდის მუნიციპალიტეტის დაფინანსების პროცენტი არ იცვლება და ის კვლავ 2.42% იქნება, მისი დაფინანსება მილიონ ექვსასი ათასით მაინც გაიზრდება. თუ წელს ზუგდიდმა ამ ფორმულით 22 888.2 ათასი ლარი მიიღო, 2020-ში ის 24 578.8 ათას ლარს მიიღებს.

რეგიონში დაფინანსებით მეორე ადგილზე მარტვილის მუნიციპალიტეტია. მომავალი წლისთვის მისი დაფინანსების პროცენტი უმნიშვნელოდ შეიცვლება – თუ წელს ის 0.80% იყო, გაისად 0.81% გახდება. ეს ერთპროცენტიანი მატება თანხობრივად 600 ათას ლარში გამოისახა – თუ წელს ამ მუნიციპალიტეტმა დღგ-ის 19%-დან 7 526.0 ათასი მიიღო, 2020-ში ის 8 189.3 ათას ლარს მიიღებს.

მილიონ ექვსასი ათასით გაიზრდება სენაკის მუნიციპალიტეტის დაფინანსება. თუ წელს დღგ-ის 19%-დან 0.69% ერგო, გაისად პროცენტი 0.80-მდე გაიზრდება. შესაბამისად, წლევანდელი 6 545.8 ათასი ლარისგან განსხვავებით, 2020-ში სენაკი 8 182.2 ათას ლარს მიიღებს.

0.63%-იანი დაფინანსება რჩება, თუმცა, ამის მიუხედავად, თანხა 400 ათასი ლარით გაეზრდება წალენჯიხის მუნიციპალიტეტს. თუ წელს ამ მუნიციპალიტეტს დღგ-ის 19%-დან 5 991.7 ათასი ლარი ერგო, 2020-ში ის 6 434.3 ათას ლარამდე მოიმატებს.

ანალოგიური ვითარებაა ჩხოროწყუს მუნიციპალიტეტის შემთხვევაშიც – 2020 წელს მისი დაფინანსების პროცენტი ისევ 0.55% იქნება, თუმცა, თანხა 400 ათასით მაინც გაიზრდება. წელს ამ მუნიციპალიტეტის დაფინანსება 5 195.0 ათას ლარს შეადგენდა, გაისად კი 5 578.8 ათასი ლარი გახდება.

წლევანდელთან შედარებით, ოდნავ ნაკლებ დაფინანსებას მიიღებს აბაშის მუნიციპალიტეტი. თუ წელს დღგ-ის 19%-ის განაწილებისას ამ მუნიციპალიტეტს 0.57% ერგო, 2020-ში ის 0.53%-მდე დაიწევს. შესაბამისად, წელს მიღებული 5 388.6 ათასის ნაცვლად, გაისად 2 ათასით ნაკლებს – 5 386.4 ათას ლარს მიიღებს.

850 ათასით გაიზრდება ქალაქ ფოთის დაფინანსება. ის დღგ-ის 19%-იდან 0,42%-ს, ანუ 4 248.1 ათას ლარს მიიღებს. წელს ფოთი, 0.36%-ის შესაბამისად, 3 398.5 ათასი ლარით ფინანსდებოდა.

836 ათასით გაიზრდება მესტიის მუნიციპალიტეტის დაფინანსება. წელს ამ მუნიციპალიტეტმა დღგ-ის 19%-იანი ფონდიდან 0.35%-ს, შესაბამისად, 3 346.4 ათას ლარი მიიღო, გაისად ეს პროცენტი 0.41-მდე მოიმატებს, შესაბამისად, თანხაც 4 183.0 ათას ლარამდე გაიზრდება.

რეგიონში ყველაზე ნაკლებ დაფინანსებას ხობის მუნიციპალიტეტი მიიღებს, თუმცა, ეს თანხა წლევანდელზე მეტი იქნება, ვინაიდან იზრდება თავად დაფინანსების პროცენტი – თუ წელს ამ პროგრამიდან ხობმა 0.34%, ანუ 3 250.0 ათასი ლარი მიიღო, 2020-ში ეს პროცენტი 0.40-მდე აიწევს, თანხა კი 800 ათასით მოიმატებს და 4 062.5 ათასი ლარი გახდება.

საქართველოს მთავრობამ ადგილობრივი თვითმმართველობის დაფინანსების წესი, ფისკალური დეცენტრალიზაციის მოტივით, შარშან შეცვალა – გააუქმა გათანაბრებითი ტრანსფერი, საშემოსავლო გადასახადი სრულად ცენტრალურ ბიუჯეტში მიმართა, ხოლო თვითმმართველობებს დღგ-ის სახით მიღებული შემოსავლების 19%-ის განაწილება დაუდგინა.

ჯამში, 2020 წელს მუნიციპალიტეტების მიერ დღგ-ის 19%-იდან მისაღები შემოსავლები 1 016.5 მლნ ლარის ოდენობით არის პროგნოზირებული, რაც, წლევანდელთან შედარებით, თითქმის 70 მილიონით მეტია. დღგ-ის 19%-ის განაწილება მუნიციპალიტეტებზე საქართველოს საბიუჯეტო კოდექსით დადგენილი წესით ხდება.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.