ლაშა გოგია ჩემთვის ძალიან დიდი ტკივილია - საკრებულოს თავმჯდომარე
ასე გიცავენ დღეს, მაგრამ პირველები უარგყოფენ, - მიმართა ფრაქცია
ენმ-ის თავმჯდომარე ანა წითლიძემ მერს,
გიორგი შენგელიას, მერის 6 თვის მუშაობის შეჯამებისას. მანვე აღნიშნა,
რომ მსგავსი რამ უკვე უნახავთ და ყოფილი მერი, ლაშა გოგია ახსენა.
ამ სიტყვებს უმრავლესობის დეპუტატების მხრიდან რეპლიკები მოჰყვა - "ვინ უარვყავით".
წითლიძეს საკრებულოს თავმჯდომარე მამუკა წოწერიამ უპასუხა. მისი თქმით, ეს კითხვები არაერთხელ გაჩნდა და თავადაც ჰკითხეს, ეამაყება თუ არა ლაშა გოგია.
"ჩემთვის ლაშა გოგია არის ძალიან დიდი ტკივილი როგორც პიროვნულად ადამიანისთვის. ეს არის ტრაგედია როგორც მეგობრისთვის და გუნდის წევრისთვის. არასდროს არავინ არ უარმიყვია, არც ჩვენ და არც ჩვენი გუნდის წევრს. თუ ლაშა გოგიამ რამე შეცდომა ჩაიდინა, მას ამ ცხოვრებამ ძალიან მწარედ აზღვევინა ყველაფერი. ის დღეს ციხეშია და მოწყვეტილია თავის ოჯახს. მოწყვეტილია სამ არასრულწლოვან შვილს. ძალიან გთხოვთ, პირადი ტრაგედიებით სცენების მოწყობა არ გინდათ", - განაცხადა მამუკა წოწერიამ.
საკრებულოს თავმჯდომარის თქმით, ძალიან ბევრ იმ საქმეს აგრძელებენ დღეს, რაც ლაშა გოგიას მმართველობის პირობებში დაიგეგმა. ამიტომ ურჩია, საკუთარ და საკუთარი პარტიის ნაბიჯებს დაუკვირდეს.
მერის 6 თვის ანგარიშის პრეზენტაციაზე ოპოზიცია გიორგი შენგელიას დაუპირისპირდა.
ზუგდიდის მუნიციპალიტეტის ყოფილი მერი ლაშა გოგია და მისი მოადგილე გია გულორდავა თბილისის საქალაქო სასამართლომ დამნაშავედ ცნო დიდი ოდენობით ქრთამის აღებაში. თითოეულ მათგანს სასჯელის სახით ორი წელი პატიმრობა, 4 წელი კი პირობითი მსჯავრი განესაზღვრა.
ამ სიტყვებს უმრავლესობის დეპუტატების მხრიდან რეპლიკები მოჰყვა - "ვინ უარვყავით".
წითლიძეს საკრებულოს თავმჯდომარე მამუკა წოწერიამ უპასუხა. მისი თქმით, ეს კითხვები არაერთხელ გაჩნდა და თავადაც ჰკითხეს, ეამაყება თუ არა ლაშა გოგია.
"ჩემთვის ლაშა გოგია არის ძალიან დიდი ტკივილი როგორც პიროვნულად ადამიანისთვის. ეს არის ტრაგედია როგორც მეგობრისთვის და გუნდის წევრისთვის. არასდროს არავინ არ უარმიყვია, არც ჩვენ და არც ჩვენი გუნდის წევრს. თუ ლაშა გოგიამ რამე შეცდომა ჩაიდინა, მას ამ ცხოვრებამ ძალიან მწარედ აზღვევინა ყველაფერი. ის დღეს ციხეშია და მოწყვეტილია თავის ოჯახს. მოწყვეტილია სამ არასრულწლოვან შვილს. ძალიან გთხოვთ, პირადი ტრაგედიებით სცენების მოწყობა არ გინდათ", - განაცხადა მამუკა წოწერიამ.
საკრებულოს თავმჯდომარის თქმით, ძალიან ბევრ იმ საქმეს აგრძელებენ დღეს, რაც ლაშა გოგიას მმართველობის პირობებში დაიგეგმა. ამიტომ ურჩია, საკუთარ და საკუთარი პარტიის ნაბიჯებს დაუკვირდეს.
მერის 6 თვის ანგარიშის პრეზენტაციაზე ოპოზიცია გიორგი შენგელიას დაუპირისპირდა.
ზუგდიდის მუნიციპალიტეტის ყოფილი მერი ლაშა გოგია და მისი მოადგილე გია გულორდავა თბილისის საქალაქო სასამართლომ დამნაშავედ ცნო დიდი ოდენობით ქრთამის აღებაში. თითოეულ მათგანს სასჯელის სახით ორი წელი პატიმრობა, 4 წელი კი პირობითი მსჯავრი განესაზღვრა.