პარლამენტის თავმჯდომარე ოპოზიციას ბოქლომს უბრუნებს
პარლამენტის თავმჯდომარე არჩილ თალაკვაძემ ბიუროს სხდომაზე, რომელიც
ამ წუთებშიც გრძელდება, ოპოზიციის წარმომადგენლებს სიმბოლურად ბოქლომი
დაუბრუნა. მისი განმარტებით, ეს ბოქლომი არის სიმბოლო, რომელიც
გამოხატავს ოპოზიციის მიდგომებს და ღირებულებებს მოქალაქეების და
სახელმწიფოს მიმართ.
არჩილ თალაკვაძემ აღნიშნა, რომ სურს საზოგადოებას შეახსენოს, ვინ არიან ეს ადამიანები. პარლამენტის სპიკერის თქმით, ესენი არიან ადამიანები, რომლებმაც თავის დროზე ბოქლომი დაადეს ადამიანის უფლებებს, ბოქლომი დაადეს მედიას, კერძო საკუთრებას, ინსტიტუტებს, ქვეყნის თავისუფლების იდეას.
"ამ ყველაფერს ისინი თარგმნიდნენ და მონოპოლიზებული მედიის საშუალებით საზოგადოებას არწმუნებდნენ, რომ ეს იყო თავისუფლება, ეს იყო დემოკრატია. ისინი დღეს ცდილობდნენ იგივეს, რომ ბოქლომი დაედოთ საქართველოს პარლამენტზე. ამიტომ მინდა, მათ სამახსოვროდ გადავცე და დავუბრუნო სიმბოლურად გაჭრილი ჯაჭვი და ბოქლომი, რომელიც სიმბოლურად გამოხატავს მათ მიდგომებს და მათ ღირებულებებს მოქალაქეების სახელმწიფოს მიმართ. ეს მათ უნდა შეინახონ, რათა ყოველთვის ახსოვდეთ, რომ ისინი ვეღარასოდეს დაადებენ ბოქლოს მოქალაქეთა უფლებებს, სახელმწიფო საკუთრებას, მედიას და ინსტიტუტებს, ვერც პარლამენტს", - განაცხადა არჩილ თალაკვაძემ.
საპროტესტო აქცია პარლამენტთან გრძელდება. შსს-ს ინფორმაციით, ადმინისტრაციული წესით 18 ადამიანი დააკავეს. არიან დაშავებულებიც.
სპეცდანიშნულების რაზმმა აქციის მონაწილეებს, რომლებიც პარლამენტის შესასვლელების პიკეტირებას ახდენდნენ, ტერიტორია დაატოვებინა. შეკრებილთა წინააღმდეგ წყლის ჭავლი გამოიყენეს.
არჩილ თალაკვაძემ აღნიშნა, რომ სურს საზოგადოებას შეახსენოს, ვინ არიან ეს ადამიანები. პარლამენტის სპიკერის თქმით, ესენი არიან ადამიანები, რომლებმაც თავის დროზე ბოქლომი დაადეს ადამიანის უფლებებს, ბოქლომი დაადეს მედიას, კერძო საკუთრებას, ინსტიტუტებს, ქვეყნის თავისუფლების იდეას.
"ამ ყველაფერს ისინი თარგმნიდნენ და მონოპოლიზებული მედიის საშუალებით საზოგადოებას არწმუნებდნენ, რომ ეს იყო თავისუფლება, ეს იყო დემოკრატია. ისინი დღეს ცდილობდნენ იგივეს, რომ ბოქლომი დაედოთ საქართველოს პარლამენტზე. ამიტომ მინდა, მათ სამახსოვროდ გადავცე და დავუბრუნო სიმბოლურად გაჭრილი ჯაჭვი და ბოქლომი, რომელიც სიმბოლურად გამოხატავს მათ მიდგომებს და მათ ღირებულებებს მოქალაქეების სახელმწიფოს მიმართ. ეს მათ უნდა შეინახონ, რათა ყოველთვის ახსოვდეთ, რომ ისინი ვეღარასოდეს დაადებენ ბოქლოს მოქალაქეთა უფლებებს, სახელმწიფო საკუთრებას, მედიას და ინსტიტუტებს, ვერც პარლამენტს", - განაცხადა არჩილ თალაკვაძემ.
საპროტესტო აქცია პარლამენტთან გრძელდება. შსს-ს ინფორმაციით, ადმინისტრაციული წესით 18 ადამიანი დააკავეს. არიან დაშავებულებიც.
სპეცდანიშნულების რაზმმა აქციის მონაწილეებს, რომლებიც პარლამენტის შესასვლელების პიკეტირებას ახდენდნენ, ტერიტორია დაატოვებინა. შეკრებილთა წინააღმდეგ წყლის ჭავლი გამოიყენეს.