ზუგდიდის მაჟორიტარი დეპუტატი მერაბ ქვარაია "ფეისბუკის" გვერდზე აფასებს "ქართული ოცნების" თავმჯდომარე ბიძინა ივანიშვილს. წერს, რომ გულწრფელობა არის ის, რაც ამ ადამიანს სხვა პოლიტიკური ლიდერებისგან გამოარჩევს. ამბობს - მან ზუსტად, სიღრმისეულად და გულწრფელად შეაფასა ქვეყანაში არსებული მდგომარეობა და მიმდინარე პროცესები, და აქვეყნებს ივანიშვილთან ინტერვიუს ტელეკომპანია "იმედის" ეთერში

"მკაფიოდ განმარტა , რომ ნაციონალური მოძრაობა, რომელმაც მაჟორიტარების რაოდენობა არათუ შეამცირა ან გააუქმა ქვეყანაში, არამედ პირიქით, რეფერენდუმის შედეგების გადახედვის გზით გაზარდა, დღეს ცდილობს შერეული სისტემა არადემოკრატიულად, პროპორციული კი დემოკრატიულად წარმოაჩინოს და ამგვარი მანიპულაციით შეიყვანოს მოსახლეობა შეცდომაში. მიუხედავად ყოველგვარი დესტრუქციული მცდელობისა, ნაციონალურ მოძრაობას არც არჩევნებით და არც რაიმე სხვა გზით თეორიული შანსიც კი არ აქვს არათუ დაბრუნდეს ხელისუფლებაში, არამედ შეინარჩუნოს მანდატების ის რაოდენობა , რაც დღეს უჭირავს", - წერს მერაბ ქვარაია.

ზუგდიდის მაჟორიტარი დეპუტატი ერთ-ერთია იმ პარლამენტარებს შორის, რომელმაც არ დაუჭირა მხარი 2020 წელს პროპორციულ სისტემაზე გადასვლას. ამ მოთხოვნით საპროტესტო აქციები დღემდე გრძელდება.