„ქართული ზღაპრები აფხაზების სიყვარულზე“ - კოვე საერთაშორისო გამოფენიდან აფხაზეთის მოხსნაზე
დე ფაქტო საგარეო საქმეთა მინისტრის განცხადებით, მუდმივი "ქართული
ზღაპრები" აფხაზების სიყვარულზე,
სინამდვილეში ეწინააღმდეგება მკაცრ რეალობას, რადგან აფხაზეთის
იზოლაციის პოლიტიკას თბილისი კვლავ განაგრძობს. ამ სიტყვებით
ეხმაურება დაურ კოვე ე.წ. სავაჭრო-სამრეწველო პალატისთვის უარს,
სურსათის და სასმელების საერთაშორისო სავაჭრო ბაზრობაში
მონაწილეობაზე. კერძოდ, 9-11 დეკემბერს კაირო ღონისძიებას
მასპინძლობს, სადაც აფხაზეთი, როგორც "დამოუკიდებელი რესპუბლიკა", ისე
უნდა ყოფილიყო წარმოდგენილი. ე.წ. პალატის ცნობით, შეთანხმება
ორგანიზატორებთან უკვე მიღწეული იყო, რასაც წინ ხანგრძლივი
მოლაპარაკებები უძღოდა, როგორც რეგისტრაციის, ისე პავილიონის
გამოყოფაზე.
პალატის ხელმძღვანელ თამილა მერცხულავას მტკიცებით, გაფორმდა ხელშეკრულება და პავილიონის გაქირავებისთვის საჭირო თანხაც გადარიცხეს. მეტიც, ღონისძიების ორგანიზატორები ირწმუნებოდნენ, რომ აფხაზეთის მონაწილეობა არანაირი პრობლემა არ იქნებოდა. თუმცა მოვლენები საპირისპიროდ განვითარდა.
სოხუმს ჯერ ზეპირად აცნობეს, რომ საქართველოს საელჩო ითხოვდა მონაწილე ქვეყნების ნუსხიდან ამოეღოთ აფხაზეთი, რადგან ეს არ იყო ცალკე სახელმწიფო, არამედ მათი ერთ-ერთი რეგიონი, მოგვიანებით კი ოფიციალური უარიც მიიღეს.
თავის მხრივ, დე ფაქტო სავაჭრო-სამრეწველო პალატამ ღონისძიების ორგანიზატორებს საპასუხო წერილიც გაუგზავნა, სადაც აღნიშნულია, რომ მსგავსი ქმედება აფხაზეთის "რესპუბლიკის" მიმართ დისკრიმინაციულია. პალატის თავმჯდომარის განმარტებით, ეს ერთადერთი შემთხვევა არ არის, და რომ საქართველო ყველა მსგავს შემთხვევაში ძალიან სწრაფად რეაგირებს და ხელს უშლის მათ საერთაშორისო ღონისძიებებში მონაწილეობას.
პალატის ხელმძღვანელ თამილა მერცხულავას მტკიცებით, გაფორმდა ხელშეკრულება და პავილიონის გაქირავებისთვის საჭირო თანხაც გადარიცხეს. მეტიც, ღონისძიების ორგანიზატორები ირწმუნებოდნენ, რომ აფხაზეთის მონაწილეობა არანაირი პრობლემა არ იქნებოდა. თუმცა მოვლენები საპირისპიროდ განვითარდა.
სოხუმს ჯერ ზეპირად აცნობეს, რომ საქართველოს საელჩო ითხოვდა მონაწილე ქვეყნების ნუსხიდან ამოეღოთ აფხაზეთი, რადგან ეს არ იყო ცალკე სახელმწიფო, არამედ მათი ერთ-ერთი რეგიონი, მოგვიანებით კი ოფიციალური უარიც მიიღეს.
თავის მხრივ, დე ფაქტო სავაჭრო-სამრეწველო პალატამ ღონისძიების ორგანიზატორებს საპასუხო წერილიც გაუგზავნა, სადაც აღნიშნულია, რომ მსგავსი ქმედება აფხაზეთის "რესპუბლიკის" მიმართ დისკრიმინაციულია. პალატის თავმჯდომარის განმარტებით, ეს ერთადერთი შემთხვევა არ არის, და რომ საქართველო ყველა მსგავს შემთხვევაში ძალიან სწრაფად რეაგირებს და ხელს უშლის მათ საერთაშორისო ღონისძიებებში მონაწილეობას.