ბოტანიკურ ბაღში ზუგდიდელი სტუდენტები დასაქმდებიან
ზუგდიდის განახლებულ ბოტანიკურ ბაღში შოთა მესხიას სახელობის სასწავლო
უნივირესიტეტის
8 სტუდენტი მებაღე-დეკორატორად 2 წელი იმუშავებს. მათ ბაღის
ადმინისტრაცია ხელფასს გადაუხდის. იმ შემთხვევაში თუ ახალგაზრდები
მაღალ პროფესიულ უნარებს გამოავლენენ, შესაძლოა შტატში ჩასვან.
სტუდენტებისთვის ამ შესაძლებლობას უნივერსიტეტსა და ააიპ „ბოტანიკური ბაღების მართვის ცენტრს“ შორის დადებული მემორანდუმი ითვალისწინებს.
როგორც „ლაივპრესს“ ცენტრის დირექტორმა ზვიად ქარჩავამ განუცხადა, თეორიულ ცოდნას მებაღეობა-დეკორაციაზე სტუდენტები უნივერსიტეში მიიღებენ, ხოლო პრაქტიკულ სამუშაოებს უშუალოდ ბოტანიკურ ბაღში ჩაატარებენ.
„სულ 20 აპლიქაცია იყო შემოსული და 8 სტუდენტმა გადალახა ზღვარი. მათ გადავუხდით ხელფასს, იმ სტუდენტებს, რომლებიც ჩვენთან იმუშავებენ. ისინი 2 წლის განმავლობაში იქნებიან ბაღში დეკორატორები და მათი დარჩენა დამოკიდებულია მათ მონაცემებზე“, - განაცხადა ზვიად ქარჩავამ.
ააიპ ზუგდიდის ბოტანიკური ბაღების მართვის ცენტრმა მოამზადა და 9 დეკემბერს საკრებულოს წარუდგინა პროექტი, რომელიც განსაზღვრავს, მოქალაქეებისთვის განახლებულ ბოტანიკურ ბაღში ვიზიტის ღირებულებას.
ბოტანიკურ ბაღში სარეკონსტრუციო სამუშაოები 2018 წლიდან მიმდინარეობს. აქ 300 ძირი ახალი მცენარე დაირგო, მოეწყო ბილიკები, დამონტაჟდა გარეგანათებები, წყლის და საკანალიზაციო სისტემა, ახალი სკამები, ნაგვის ურნები. აშენდა სამი საპირფარეშო. რეკონსტრუქცია ჩაუტარდა ადმინისტრაციის შენობას და ორანჟერეას.
ბაღის სარეკონსტრუქციო სამუშაოები საქართველოს მუნიციპალური განვითარების ფონდმა განახორციელა. პროექტი მსოფლიო ბანკმა ადგილობრივი ბიუჯეტის თანამონაწილეობით დააფინანსა. მისი საერთო ღირებულება 12 მილიონი ლარია.
სტუდენტებისთვის ამ შესაძლებლობას უნივერსიტეტსა და ააიპ „ბოტანიკური ბაღების მართვის ცენტრს“ შორის დადებული მემორანდუმი ითვალისწინებს.
როგორც „ლაივპრესს“ ცენტრის დირექტორმა ზვიად ქარჩავამ განუცხადა, თეორიულ ცოდნას მებაღეობა-დეკორაციაზე სტუდენტები უნივერსიტეში მიიღებენ, ხოლო პრაქტიკულ სამუშაოებს უშუალოდ ბოტანიკურ ბაღში ჩაატარებენ.
„სულ 20 აპლიქაცია იყო შემოსული და 8 სტუდენტმა გადალახა ზღვარი. მათ გადავუხდით ხელფასს, იმ სტუდენტებს, რომლებიც ჩვენთან იმუშავებენ. ისინი 2 წლის განმავლობაში იქნებიან ბაღში დეკორატორები და მათი დარჩენა დამოკიდებულია მათ მონაცემებზე“, - განაცხადა ზვიად ქარჩავამ.
ააიპ ზუგდიდის ბოტანიკური ბაღების მართვის ცენტრმა მოამზადა და 9 დეკემბერს საკრებულოს წარუდგინა პროექტი, რომელიც განსაზღვრავს, მოქალაქეებისთვის განახლებულ ბოტანიკურ ბაღში ვიზიტის ღირებულებას.
ბოტანიკურ ბაღში სარეკონსტრუციო სამუშაოები 2018 წლიდან მიმდინარეობს. აქ 300 ძირი ახალი მცენარე დაირგო, მოეწყო ბილიკები, დამონტაჟდა გარეგანათებები, წყლის და საკანალიზაციო სისტემა, ახალი სკამები, ნაგვის ურნები. აშენდა სამი საპირფარეშო. რეკონსტრუქცია ჩაუტარდა ადმინისტრაციის შენობას და ორანჟერეას.
ბაღის სარეკონსტრუქციო სამუშაოები საქართველოს მუნიციპალური განვითარების ფონდმა განახორციელა. პროექტი მსოფლიო ბანკმა ადგილობრივი ბიუჯეტის თანამონაწილეობით დააფინანსა. მისი საერთო ღირებულება 12 მილიონი ლარია.