„აფხაზეთის ტერიტორიის“ სხვა სახელმწიფოსთვის გადაცემა 15 წლამდე პატიმრობით დაისჯება
აფხაზეთის დე ფაქტო პარლამენტის დეპუტატებმა ბოლო მოსმენით მიიღეს და
დაამტკიცეს ცვლილებები
სისხლის სამართლის კოდექსში. ე.წ. საკანონმდებლო ორგანოს წევრის, რაულ
ლოლუას კანონპროექტის მიხედვით, 10-დან 15 წლამდე პატიმრობით დაისჯება
მოქმედება, რომელიც მიმართულია "უცხოეთის სახელმწიფოებისთვის
აფხაზეთის რესპუბლიკის მთელი ტერიტორიის გადაცემის, ან ტერიტორიის
ნაწილის გამოყოფისკენ".
"აფხაზია ინფორმის" ცნობით, 5-დან 15 წლამდე პატიმრობას ითვალისწინებს "ანტიკონსტიტუციური მოლაპარაკების წარმოება, ან ანტიკონსტიტუციური ხელშეკრულებების დადება".
ასევე, სამ წლამდე პატიმრობით დაისჯება "აფხაზეთის ტერიტორიული მთლიანობისა და ხელშეუხებლობის დარღვევისკენ მიმართული ქმედებებისკენ საჯარო მოწოდება" და 2-დან 5 წლამდე პატიმრობით ასეთივე ქმედება, მასმედიის ან ინტერნეტის გამოყენებით.
დე ფაქტო პარლამენტმა 8-დან 15 წლამდე პატიმრობა დააწესა უცხო ქვეყნის დაზვერვის სამსახურში მუშაობისთვის.
"აფხაზია ინფორმის" ცნობით, 5-დან 15 წლამდე პატიმრობას ითვალისწინებს "ანტიკონსტიტუციური მოლაპარაკების წარმოება, ან ანტიკონსტიტუციური ხელშეკრულებების დადება".
ასევე, სამ წლამდე პატიმრობით დაისჯება "აფხაზეთის ტერიტორიული მთლიანობისა და ხელშეუხებლობის დარღვევისკენ მიმართული ქმედებებისკენ საჯარო მოწოდება" და 2-დან 5 წლამდე პატიმრობით ასეთივე ქმედება, მასმედიის ან ინტერნეტის გამოყენებით.
დე ფაქტო პარლამენტმა 8-დან 15 წლამდე პატიმრობა დააწესა უცხო ქვეყნის დაზვერვის სამსახურში მუშაობისთვის.