ახალი ამბები
თბილისში „ოცნების“ დაგეგმილ ღონისძიებას ზუგდიდიდან საჯარო მოხელეებიც შეუერთდნენ [ვიდეო]
FaceBook Twitter
E-mail Print
"ქართული ოცნების" მხარდამჭერები და საჯარო მოხელეები, მათ შორის მერიის და საკრებულოს წარმომადგენლები, ააიპ-ების თანამშრომლები, ასევე პედაგოგები, პარტიის მიერ თბილისში დაგეგმილ მასშტაბურ ღონისძიებაზე სამეგრელოს მუნიციპალიტეტებიდანაც გაემგზავრნენ. შეკრებილების თქმით, ისინი უერთდებიან ქვეყნისთვის მნიშვნელოვანი თარიღის, საქართველოს ევროპის საბჭოს თავმჯდომარეობის აღმნიშვნელ ღონისძიებას.

მოქალაქეები დღეს, გამთენიისას შეიკრიბნენ ზუგდიდის მუნიციპალიტეტის სოფელ ცაცხვში და ორგანიზებულად მიკროავტობუსებითა და ავტობუსებით გაემგზავრნენ.

ზუგდიდის მუნიციპალიტეტის საკრებულოს თავმჯდომარე მამუკა წოწერიას განცხადებით, ზუგდიდიდან 200 ტრანსპორტი დღეს გავიდა, თუმცა ეს არ არის სრული შემადგენლობა, რადგან მანამდეც, საკუთარი მსუბუქი ავტომობილებითაც გაემგზავრნენ მოქალაქეები.

მისი თქმით, ძალიან ბევრია მსურველი ამ ღონისძიებაში მონაწილეობის მიღების, მათ შორის ყველაზე მცირე რაოდენობით არიან წარმოდგენილი საჯარო მოხელეები. არასამთავრობო ორგანიზაციების განცხადების საპასუხოდ მან თქვა, რომ ძალის გემოყენებით და იძულებით არავინ მიყავთ. პარტია მხოლოდ ტრანსპორტით უზრუნველყოფას ახდენს და მსურველები თავად მიდიან.

"მოგეხსენებათ, საქართველო გახდა ევროპის საბჭოს მინისტრთა კაბინეტის თავმჯდომარე ქვეყანა. ქართული ოცნების ახალგაზრდულ ორგანიზაციას ჰქონდა ინიციატივა, ჩაეტარებინა კვირეული, რომელიც დღეს გრანდიოზული შეკრებით სრულდება. ამ ღონისძიებას ზუგდიდიდან 5-6 ათასი ადამიანი უერთდება. ჩვენს მოსახლეობას მიაჩნია, რომ ეს არის მნიშვნელოვანი ბერკეტი ევროსტრუქტურებში ინტეგრაციის და წასვლის გადაწყვეტილება დამოკიდებული იყო მათ ნება-სურვილზე. უამრავი მაურველი გახლდათ", - განაცხადა მამუკა წოწერიამ.

სამკრებულოს თავმჯდომარის მოადგილის თაზო ფაცაციას თქმითაც, მიდიან ორგანიზებულად პარტიის მიერ ორგანიზებულ ღონისძიებაზე, ქვეყნისთვის მნიშვნელოვანი თარიღის აღსანიშნავად. მისი სიტყვებით, ევროკავშირი და ევროპა არის ის კურსი, რომელსაც ქვეყანა უჭერს მხარს და რომელიც ქვეყნისთვის სასიკეთოა.

მანვე აღნიშნა, რომ დღეს შაბათი დღეა და საჯარო მოხელეებსა თუ პედაგოგებს, შესაძლებლობა აქვთ სურვილის მიხედვით მიიღონ მონაწილეობა. ეს მათი არჩევანია აღნიშნა თაზო ფაცაციამ. მიუხედავად ამისა, დარწმუნებულია, რომ დღეს პედაგოგები და საჯარო მოხელეები ყველაზე ცოტა რაოდენობით იქნებიან წარმოდგენილი, რადგან ძირითადად ახალგაზრდები აქტიურობენ და ისინიც მხარში უდგანან მათ.

მასშტაბურ ფონისძიებაზე ხალხის რეგიონებიდან წაყვანა პარტიას მანამდეც ჰქონდა დაანონსებული.

არასამთავრობოებმა 13 დეკემბერს გაავრცელეს განცხადება, რომ ქვეყნის სხვადასხვა მუნიციპალიტეტიდან, მათ შორის სამეგრელოდანაც, საჯარო მოხელეთა ჩართულობით, თბილისში დაგეგმილ ღონისძიებაზე დასასწრებად მოქალაქეთა იძულებით მობილიზება მიმდინარეობს.

არასამთავრობოების მსგავსად, სახალხო დამცველიც იგივეს აცხადებს. ომბუდსმენის თქმით, რეგიონებში საჯარო დაწესებულებებში მომუშავე ადამიანების ნაწილმა მათთან საუბარში დაადასტურა გავრცელებული ინფორმაცია იმასთან დაკავშირებით, რომ 14 დეკემბერს თბილისში "ქართული ოცნების" მიერ ორგანიზებულ აქციაზე ჩამოჰყავთ.

უმრავლესობის ერთ-ერთმა ლიდერმა, გია ვოლსკიმ კი განმარტა, რომ ადამიანების იძულება მათ 2012 წელს დაამთავრეს.

Print E-mail
Twitter
სხვა მასალები
რესპუბლიკური საავადმყოფოს დირექტორის, ლევან გოფოძის განცხადებით,
15:07 / 03.08.2020
რესპუბლიკური საავადმყოფოს დირექტორის, ლევან გოფოძის განცხადებით,
13:37 / 03.08.2020
"საერთაშორისო გამჭვირვალობა-საქართველომ" 2019 წლის 1 იანვრიდან
13:19 / 03.08.2020
"ევროპული საქართველოს" ერთ-ერთმა ლიდერმა გიგი უგულავამ,
„ევროპული საქართველოს“ ერთ-ერთი ლიდერის გიგა ბოკერიას
13:12 / 03.08.2020
„ევროპული საქართველოს“ ერთ-ერთი ლიდერის გიგა ბოკერიას
ვიდეო
პირველი შეხვედრა მაყურებელთან - თეატრის ცხოვრება პანდემიისას
ზუგდიდის თეატრი 5 თვიანი კარანტინის შემდეგ პირველად შეხვდა მაყურებელს პირისპირ.
 დისტანციური სწავლების უპირატესობა თუ სკოლებში დაბრუნება - გამოკითხვა
ახალი სასწავლო წელი, განათლების სამინისტროს გადაწყვეტილებით,
ჩხოროწყუელი მასწავლებელი მოსწავლეების დასახმარებლად [ვიდეო]
ჩხოროწყუში, აფხაზეთის მე-10 საჯარო სკოლაში კომპიუტერულ
ვლაქერნობის დღესასწაული ზუგდიდში [ვიდეო]
ვლაქერნობის დღესასწაულის აღნიშვნა ზუგდიდში ტრადიციულად
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.