ახალი ამბები
მსახიობი თეატრის დირექტორს ფიზიკურ ძალადობაში ადანაშაულებს
FaceBook Twitter
E-mail Print
ზუგდიდის შალვა დადიანის სახელობის დრამატული თეატრის დირექტორს ზურაბ ეგუტიას მსახიობი კოკა ხუბუტია ფიზიკურ ძალადობაში ადანაშაულებს.

მისი თქმით, თეატრის დირექტორმა მას მიმდინარე წლის ივლისში ფიზიკური შეურაცხყოფა მიაყენა.

„ჩვენი სამხატვრო ხელმძღვანელი მივლინებაში იმყოფებოდა, პრემიერა მქონდა და ვითხოვე ოჯახისთვის მოსაწვევი, ყ...ზე მკიდია, მე ვარ დირექტორი და არ მოგცემ მოსაწვევსო-მითხრა. შემდეგ სცენაზე ფიზიკურად დამიპირისპირდა. ეს ამბავი ყველამ იცოდა, კულტურის სამინისტრომ, აუდიტმა. საქმეც აღიძრა, პოლიციაშიც ვიმყოფებოდი გამოკითხვაზე, მაგრამ ისევ მოძალადე დირექტორი დაგვინიშნეს, ეტყობა ვიღაცას სარგებელი აქვს მისგან. ზუგდიდის თეატრს დაუნიშნეს ისევ ის დირექტორი, რომელიც მსახიობებთან სცენაზე საქმეებს არჩევს“, - უთხრა „ლაივპრესს“ კოკა ხუბუტიამ.

თავის მხრივ, თეატრის დირექტორი ზურაბ ეგუტია აცხადებს, რომ მასსა და მსახიობს შორის ფიზიკურ დაპირისპირებას ადგილი არ ჰქონია.

„მან სიტყვიერი შეურაცხყოფა მიაყენა თეატრის თანამშრომელ ქალს, რომელმაც იმდროინდელი სამხატვრო ხელმძღვანელის ბადრი წერედიანის მივლინებაში ყოფნის გამო მე მომმართა მოხსენებითი ბარათით და ზაფხულში როცა „დურუჯზე“ წარსადგენ სპექტაკლს ვთამაშობდით, სპექტაკლის დასრულების შემდეგ ვკითხე კოკა ხუბუტიას, თუ რატომ მიაყენა შეურაცხყოფა თანამშრომელ ქალს, ჩვენს გარდა იქ 10-15 ადამიანი იმყოფებოდა, არანაირი ფიზიკური დაპისრიპირება არ ყოფილა. ის სკამიდან წამოდგა, დაიწყო ყვირილი. შემდეგ ჩემთან მსახიობი ზურაბ ლაშხია მოვიდა, ხელკავი გამიყარა და გამიყვანა“, - განაცხადა ზურაბ ეგუტიამ.

მისივე თქმით, ის ამ საქმესთან დაკავშირებით უკვე იმყოფებოდა პოლიციაში.

„საქმე ძიებაშია და ვარ თუ არა დამნაშავე, ამას სათანადო ორგანოები გამოავლენენ“, - განაცხადა ზურაბ ეგუტიამ.

დღეს თეატრის სამხატვრო ხელმძღვანელმა ლაშა შეროზიამ „ლაივპრესს“ უთხრა, რომ თეატრის დირექტორად ისევ ზურაბ ეგუტია დაინიშნა.

ზურაბ ეგუტიამ დათხოვნის შესახებ ბრძანება კულტურის სამინისტროდან, მიმდინარე წლის 24 ოქტომბერს მიიღო. მისი განმარტებით, როცა თეატრს ახალი სამხატვრო ხელმძღვანელი ენიშნება, დირექტორი თანამდებობიდან ავტომატურად თავისუფლდება.

ზუგდიდის თეატრს ზურაბ ეგუტია 2015 წლის მაისიდან ხელმძღვანელობდა.
Print E-mail
Twitter
სხვა მასალები
„ერთიანი ნაციონალური მოძრაობის“ წარმომადგენლები ზუგდიდის #67 საოლქო
22:56 / 29.09.2020
„ერთიანი ნაციონალური მოძრაობის“ წარმომადგენლები ზუგდიდის #67 საოლქო
აფხაზეთში კორონავირუსისგან 62 წლის მამაკაცი
19:06 / 29.09.2020
აფხაზეთში კორონავირუსისგან 62 წლის მამაკაცი
საქართველოში ახალი კორონავირუსისგან
18:56 / 29.09.2020
საქართველოში ახალი კორონავირუსისგან
საქართველოში კორონავირუსისგან კიდევ
18:45 / 29.09.2020
საქართველოში კორონავირუსისგან კიდევ
კორონავირუსი

საბჭოთა რეპრესიები

ვიდეო
ეთნოსოფელი უცხოელი სტუმრების გარეშე
პანდემიის პირობებში დაწესებული შეზღუდვების გამო მნიშვნელოვნად იზარალა
ხანდაზმულთა ცხოვრება პანდემიის წესებით [ვიდეო]
ზუგდიდში მოქმედმა ხანდაზმულთა დღის
პანდემიაგამოვლილი თხილის გზა ექსპორტამდე
თხილის ბაღებში შეწამვლის სამუშაოები კარანტინს დაემთხვა.
პანდემია ოკუპაციაში [ვიდეო]
გალელების მდგომარეობა, რომლებსაც ისედაც
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.