ახალი ამბები
მოსახლეობის ჩართულობით, აფხაზეთის ელექტრონული ბიბლიოთეკა შეიქმნება
FaceBook Twitter
E-mail Print
საქართველოს პარლამენტის ეროვნული ბიბლიოთეკის ციფრული ლაბორატორია ახალ პროექტზე მუშაობას იწყებს, რომელიც აფხაზეთის ელექტრონული ბიბლიოთეკის შექმნას გულისხმობს. ყველაფერი, რაც ქვეყნის ამ რეგიონს უკავშირდება, იქნება ეს საარქივო მასალები, წიგნები, ჟურნალ-გაზეთები, ფოტოები, აფიშები, საბუთები თუ ბილეთები, ერთიან, ონლაინ სივრცეში მოიყრის თავს.

ეროვნული ბიბლიოთეკის დირექტორმა გიორგი კეკელიძემ "ლაივპრესს" განუცხადა, რომ გარდა იმ მასალების გაციფრებისა, რომელიც დღეს მათთან ინახება, მოქალაქეებისგანაც მიიღებენ ოჯახებში დაცულ ფოტოებს თუ ბეჭდურ დოკუმენტებს. ამ ყველაფერს ელექტრონულ სახეს მისცემენ, ორიგინალებს კი ისევ უკან დააბრუნებენ.

ბიბლიოთეკაში ძირითადად მეოცე საუკუნის მასალები აქვთ. მათ შორის, როგორც საბჭოთა, ისე უფრო ადრინდელი პერიოდის.

"ის, რაც წიგნადი ფონდის, ან სხვა ბეჭდური, ფურცლოვანი მასალის სახით შემოდიოდა ეროვნულ ბიბლიოთეკაში, ინახებოდა და იყო ეროვნული ბიბლიოთეკის ძირითადი წიგნადი ფონდის ნაწილი. ეს არის წიგნები აფხაზურ და რუსულ ენებზე, ან ქართულ ენაზე, რომელიც აფხაზეთში გამოიცა. ამავდროულად, ცხადია ჟურნალები და გაზეთები", - გვითხრა გიორგი კეკელიძემ.
ფოტოზე გიორგი კეკელიძე, საქართველოს პარლამენტის ეროვნული ბიბლიოთეკის დირექტორი

რატომ გადაწყვიტეს ელექტრონული ბიბლიოთეკის შექმნა, განმარტავს, რომ ძალიან ბევრი მასალა ზოგიერთი ოჯახისთვის იმდენად ძვირფასია, რომ ორიგინალს ძნელად თუ შეელევიან. ამიტომაც არჩიეს მათი გაციფრება. ამასთან, ონლაინ ვერსია ყველასთვის იოლად ხელმისაწვდომი გახდება.

არქივი აფხაზეთში მცხოვრები ადამიანებისთვისაც მზადდება. ამიტომ, სურვილის შემთხვევაში ენგურს გაღმა მცხოვრებლებს შეეძლებათ ელექტრონული ბიბლიოთეკის ფორმირებაში მონაწილეობა. რამდენად აქვს თანამშომლობის მოლოდინი, გიორგი კეკელიძე აცხადებს, რომ საწყის ეტაპზე დიდი მოლოდინი არ აქვს, თუმცა გამოხმაურებები გაახარებთ.

გაციფრებული ბიბლიოთეკა ოთხენოვანი იქნება. აქ მასალებს დაინტერესებული პირები ქართულ, აფხაზურ, ინგლისურ და რუსულ ენებზე გაეცნობიან.

ელექტრონულ ვერსიაზე მუშაობა 14 თებერვლიდან დაიწყება და ეს პროცესი მასალების მოწოდების პარარელურად განახლდება.

"ამიერიდან ერთ სივრცეში იქნება თავმოყრილი და ერთგვარი სიმბოლური სამართალმემკვიდრე გახდება აფხაზეთის ბიბლიოთეკისა, სანამ ის ადრინდელი სახით აღდგება", - აღნიშნა გიორგი კეკელიძემ.

პროექტს ეროვნული ბიბლიოთეკა აფხაზეთის ავტონომიური რესპუბლიკის უმაღლესი საბჭოს საერთაშორისო ურთიერობების განათლებისა და აკულტურის კომიტეტთან ერთად განახორციელებს.
Print E-mail
Twitter
სხვა მასალები
მესტია-უშგულის გზაზე მანქანის გადავარდნის შედეგად დაკარგულ ერთ პირს
ეძებენ,
20:55 / 12.07.2020
მესტია-უშგულის გზაზე მანქანის გადავარდნის შედეგად დაკარგულ ერთ პირს ეძებენ,
მესტია-უშგულის გზაზე მანქანის გადავარდნის ფაქტზე გამოძიება დაიწყო.
20:31 / 12.07.2020
მესტია-უშგულის გზაზე მანქანის გადავარდნის ფაქტზე გამოძიება დაიწყო.
მესტია-უშგულის საავტომობილო გზაზე ავტომანქანა მდინარეში გადავარდა.
19:59 / 12.07.2020
მესტია-უშგულის საავტომობილო გზაზე ავტომანქანა მდინარეში გადავარდა.
ზუგდიდში სპეცოპერაციის შედეგად მამაკაცის დაკავებაზე შინაგან საქმეთა
სამინისტრო აცხადებს,
19:09 / 12.07.2020
ზუგდიდში სპეცოპერაციის შედეგად მამაკაცის დაკავებაზე შინაგან საქმეთა სამინისტრო აცხადებს,
ვიდეო
 ზუგდიდელი სკეიტერები სავარჯიშო სივრცის ძიებაში [ვიდეო]
პიკასო, მაკო, ორი ნიკოლოზი და კიდევ სხვები, ახალგაზრდა სკეიტერები არიან და ზაფხულობით, ყოველ საღამოს იუსტიციის სახლის
ახალი ტურისტული ატრაქცია ნოქალაქევის სიახლოვეს [ვიდეო]
სენაკის სოფელ ბეთლემში, შემეცნებით-გასართობი ატრაქცია
ბიზნესი პატარძლების მოლოდინში [ვიდეო]
კორონავირუსის პანდემიის გამო მნიშვნელოვნად იზარალა
როგორ გადაურჩა თხილის კულტურა პანდემიას და რას ითხოვენ ფერმერები - [ვიდეო]
ფერმერები უკვე თანხმდებიან, რომ სწორად შეწამვლის შემთხვევაში
ენგურის ხიდი ისევ ცალმხრივად გაიხსნა [ვიდეო]
მარტში პანდემიის მიზეზით ჩაკეტილი ენგურის ხიდი ბოლო
ფოტო
ჭურია [ფოტორეპორტაჟი]
ფოტოები გადაღებულია მდინარე ჭურიის ხეობაში.
როგორ ხედავენ ბავშვები კორონავირუსს [ფოტოამბავი]
კოვიდ-19 მხოლოდ უფროსებს არ ეხებათ და მასზე ბავშვებმაც
ზუგდიდი კარანტინში [ფოტოამბავი]
კორონავირუსის გავრცელების შეჩერების მიზნით, სამეგრელო
ზუგდიდში რესტორნები გატანის სერვისზე გადავიდნენ [ფოტო]
კორონავირუსის გავრცელების რისკების პრევენციისთვის
მზარეულის მაგიდა
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი მეგრული კერძი,
ესპანური სასმელი საახალწლოდ [ვიდეო]
ესპანური სანგრია, რომელიც სასიამოვნო გემოვნური თვისებებით
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.