ახალი ამბები
გარდაიცვალა რეჟისორი გიორგი შენგელაია
82 წლის ასაკში კინორეჟისორი, რუსთაველის პრემიის ლაურეატი, საქართველოს სახალხო არტისტი გიორგი შენგელაია გარდაიცვალა.

ის 1937 წლის 11 მაისს დაიბადა. დაამთავრა საკავშირო კინემატოგრაფიის ინსტიტუტის სარეჟისორო ფაკულტეტი. 1962 წლიდან მუშაობდა კინოსტუდია "ქართულ ფილმში".

პირველი ფილმი "ალავერდობა", გიორგი შენგელაიამ გადაიღო გურამ რჩეულიშვილის ამავე სახელწოდების ნოველის მიხედვით, 1969 წელს კი მხატვარ ნიკო ფიროსმანის შესახებ ფილმი "ფიროსმანი".

გიორგი შენგელაიაა რეჟისორი ფილმების - "მაცი ხვიტია", მიუზიკლი "ვერის უბნის მელოდიები" და ფილმი "ხარება და გოგია" .

მასვე ეკუთვნის ფილმები - "სიყვარული ვენახში" და "მიდიოდა მატარებელი".