ზუგდიდის ინფექციურში მოთავსებული ორი ბავშვის ანალიზი ლუგარის ლაბორატორიაში გააგზავნეს
ოკუპირებული გალის რაიონის სოფელ საბრეოდან ზუგდიდის ინფექციურ
საავადმყოფოში
მოთავსებული 2 მცირეწლოვანის ბიოლოგიური მასალა გაიგზავნა თბილისში
„ლუგარის ლაბორატორიაში“. მანამდე ინფექციური სავადმყოფოს
პრესსამსახურში აცხადებდნენ, რომ ბავშვების და მათი მშობლების
ანალიზის დამატებითი კვლევა არ გახდა საჭირო და ისინი დღეს გაეწერებოდნენ. პრესსამსახურში უკვე საღამოს
განმარტეს, რომ ბავშვების ჯანმრთელობის მდგომარეობა არ გაუარესებულა,
თუმცა გაწერამდე მათი ანალიზის „ლუგარის ლაბორატორიაში“ გადამოწმება
გადაწყვიტეს.
მანამდე ამავე ლაბორატორიაში ზუგდიდის ინფექციურიდან სოფელ საბერიოს მცხოვრების, 60 წლამდე მამაკაცის ბიოლოგიური მასალა იყო გაგზავნილი. პრესსამსახურში აცხადებენ, რომ სამივე პაციენტის ანალიზის შედეგები ხვალ გახდება ცნობილი.
29 მარტიდან დღემდე ოკუპირებული გალის სოფელ საბერიოდან ჯამში 7 პაციენტი გადმოიყვანეს. აქედან ერთი, შუახნის ქალი, რომელიც წალენჯიხის საავადმყოფოში 31 მარტს, გვიან ღამით მოათავსეს, 1 აპრილს გაეწერა. ექვსი კი რჩება ზუგდდის ინფექციურ საავადმყოფოში. მათ შორის არის 50 წლის ქალი, რომელსაც კორონავირუსი დაუდასტურდა.
ამავე დიაგნოზით საავადმყოფოში აგრძელებს მკურნალობას ზუგდიდის მუნიციპალიტეტის სოფელ ზედა ეწერში მცხოვრები 67 წლის მამაკაცი.
1 აპრილის, 20:00 საათის მონაცემებით, საქართველოში კორონავირუსით ინფიცირებულთა რაოდენობა 117-მდე გაიზარდა. კარანტინის რეჟიმშია 5783 ადამიანი, სტაციონარში მეთვალყურეობის ქვეშ - 301. გამოჯანმრთელდა 23.
მანამდე ამავე ლაბორატორიაში ზუგდიდის ინფექციურიდან სოფელ საბერიოს მცხოვრების, 60 წლამდე მამაკაცის ბიოლოგიური მასალა იყო გაგზავნილი. პრესსამსახურში აცხადებენ, რომ სამივე პაციენტის ანალიზის შედეგები ხვალ გახდება ცნობილი.
29 მარტიდან დღემდე ოკუპირებული გალის სოფელ საბერიოდან ჯამში 7 პაციენტი გადმოიყვანეს. აქედან ერთი, შუახნის ქალი, რომელიც წალენჯიხის საავადმყოფოში 31 მარტს, გვიან ღამით მოათავსეს, 1 აპრილს გაეწერა. ექვსი კი რჩება ზუგდდის ინფექციურ საავადმყოფოში. მათ შორის არის 50 წლის ქალი, რომელსაც კორონავირუსი დაუდასტურდა.
ამავე დიაგნოზით საავადმყოფოში აგრძელებს მკურნალობას ზუგდიდის მუნიციპალიტეტის სოფელ ზედა ეწერში მცხოვრები 67 წლის მამაკაცი.
1 აპრილის, 20:00 საათის მონაცემებით, საქართველოში კორონავირუსით ინფიცირებულთა რაოდენობა 117-მდე გაიზარდა. კარანტინის რეჟიმშია 5783 ადამიანი, სტაციონარში მეთვალყურეობის ქვეშ - 301. გამოჯანმრთელდა 23.