ახალი ამბები
ზუგდიდის ერთ-ერთი ქუჩისთვის თენგიზ ცერცვაძის სახელის დარქმევა სურთ
FaceBook Twitter
E-mail Print
ფეისბუკ გვერდ "ზუგდიდი თაიმსის" შემქმნელი მერაბ ოკუჯავა ქალაქში მოქმედი გამარჯვების ქუჩისთვის შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორის, თენგიზ ცერცვაძის სახელის დარქმევას ითხოვს. ამასთან, მიმართავს ადგილობრივ ხელისუფლებას, მას საპატიო ზუგდიდელის წოდება მიანიჭონ.

მერაბ ოკუჯავამ "ლაივპრესს" უთხრა, რომ თენგიზ ცერცვაძე თავისი დამსახურების და იმ საქმის გამო, რასაც აკეთებს, ამ ყველაფერს ნამდვილად იმსახურებს. ჯერ გადაწყვეტილი არ აქვს, თუმცა არ გამორიცხავს ოფიციალური წერილით საკრებულოს მიმართოს.

"აქ ცხოვრობდა ზუგდიდში გარკვეული პერიოდი, გამარჯვების ქუჩაზე გაატარა ახალგაზრდობა. პირველი საჯარო სკოლა დაამთავრა. ალბათ მივმართავთ საკრებულოს. არ იქნება პრობლემა ამის გაკეთება", - განმარტა ინიციატორმა.

მისივე თქმით, ხელისუფლების მხრიდან ალტერნატივად სხვა ქუჩის შემოთავაზება მიუღებლი იქნება.

"არც მიფიქრია ამაზე. ხელმოწერების შეგროვებაც არ იქნება პრობლემა", - განმარტა მერაბ ოკუჯავამ.

მისი ფეისბუკ პოსტის ქვეშ მოქალაქეები იზიარებენ ამ წინადადებას და ერთხმად აღნიშნავენ, რომ თენგიზ ცერცვაძე ნამდვილად იმსახურებს ზუგდიდში მისი სახელობის ქუჩას.

საკრებულოს ეკონომიკის და ურბანული განვითარების კომისიის თავმჯდომარე ამბობს, რომ ეს ადამიანი უდავოდ ღირსია არამხოლოდ ზუგდიდში, არამედ საქართველოს სხვა ქალაქებშიც მისი სახელობის ქუჩა და სკვერები იყოს, თუმცა ყველაფერს თავისი წესი აქვს, ეს წესი კი გამორიცხავს ცოცხალი ადამიანისთვის ამ კუთხით პატივის მიგებას.

"ჩვენ გვიწერია, რომ გარდაცვალებიდან 20 წლის შემდეგ არის შესაძლებელი. გამონაკლისის დაშვებაც შეგვიძლია, თუ 20 წელი ჯერ კიდევ არ არის გასული. მაგრამ ამაზე კომისიამ უნდა იმსჯელოს", - უთხრა "ლაივპრესს" ირაკლი ლაგვილავამ.

მისი აზრით, ძალიან კარგია, რომ ადამიანები ცდილობენ პატივისცემა გამოხატონ თენგიზ ცერცვაძის მიმართ, მაგრამ ახლა უმჯობესია ეს სხვაგვარად სცადონ და გამოხატონ, არ იყოს ტრაფარეტზე წაწერილი პატივისცემა.

კომისიის თავმჯდომარე განმარტავს, რომც იყოს შესაძლებელი, პირველ რიგში სწორედ ამ ადამიანს უნდა ჰკითხონ, სურს თუ არა სიცოცხლეშივე ძეგლი, ან ქუჩას მისი სახელი ეწოდოს.

ირაკლი ლაგვილავა დარწმუნებულია, მომავალი თაობა არამხოლოდ თენგიზ ცერცვაძეს, მის ყველა სხვა კოლეგასაც არ დაუკარგავს ამ ღვაწლს ერის და კაცობრიობის წინაშე.

მერაბ ოკუჯავა თენგიზ ცერცვაძისთვის საპატიო ზუგდიდელის წოდების მინიჭებასაც ითხოვს.

ზუგდიდის მერიაში გვითხრეს, რომ ისინი განიხილავენ ყველა საინიციატივო ჯგუფის წინადადებას, მით უფრო ისეთი ადამიანის კანდიდატურის შემოთავაზებას, როგორიც თენგიზ ცერცვაძეა.

"ამ ადამიანს ძალიან დიდი წვლილი მიუძღვის ჩვენი ქვეყნის, და არამარტო ჩვენი ქვეყნის წინაშე. მითუმეტეს დღევანდელ ვითარებაში. ასე რომ, აუცილებლად განვიხილავთ ასეთი ადამიანების კანდიდატურას", - განმარტეს მერიაში.

თენგიზ ცერცვაძე 2007 წლიდან ხელმძღვანელობს ინფექციური პათოლოგიის, შიდსის და კლინიკური იმუნოლოგიის სამეცნიერო პრაქტიკული ცენტრს. ის არაერთი სამეცნიერო ნაშრომის ავტორია. არის იმუნოლოგი და აქვს პროფესორის ხარისხი.

მისი მშობლებიც ექიმები იყვნენ და გარკვეული პერიოდი ზუგდიდში მუშაობდნენ. 

სწორედ ამ პერიოდში ცხოვრობდა თენგიზ ცერცვაძე ზუგდიდში.
Print E-mail
Twitter
სხვა მასალები
უკრაინაში, ხარკოვის ოლქის დეოკუპირებულ ნაწილში ამ ეტაპზე ნაპოვნია
რუსი სამხედროების
16:49 / 06.10.2022
უკრაინაში, ხარკოვის ოლქის დეოკუპირებულ ნაწილში ამ ეტაპზე ნაპოვნია რუსი სამხედროების
საქართველოს ბანკებში რუსეთის მოქალაქეების ფინანსებზე,
12:51 / 06.10.2022
საქართველოს ბანკებში რუსეთის მოქალაქეების ფინანსებზე, "ინფორმაციის თავისუფლების განვითარების ინსტიტუტი"
შინაგან საქმეთა სამინისტრომ ნარკოდანაშაულისთვის 4 პირი დააკავა. მათ
შორის ერთი სამეგრელოში.
11:30 / 06.10.2022
შინაგან საქმეთა სამინისტრომ ნარკოდანაშაულისთვის 4 პირი დააკავა. მათ შორის ერთი სამეგრელოში.
რუსმა სამხედროებმა ზაპოროჟიეში საცხოვრებელი სახლები და
ინფრასტრუქტურა დაბომბეს.
10:05 / 06.10.2022
რუსმა სამხედროებმა ზაპოროჟიეში საცხოვრებელი სახლები და ინფრასტრუქტურა დაბომბეს.
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.