ზუგდიდის მცხოვრები, 15 წლის გიგი სიჭინავა ილუსტრირებულ ინგლისურ-ქართულ ლექსიკონზე მუშაობს. მას უკვე აქვს შექმნილი 70 ნახატი, თუმცა გეგმაში აქვს ის 300-მდე შეავსოს. როგორც გიგის დედა ნათია სახოკია „ლაივპრესთან“ საუბარში აცხადებს, კორონავირუსის გავრცელების საფრთხის გამო მოზარდი ვერ ესწრება უცხო ენის გაკვეთილებს, ამიტომაც დამოუკიდებლად შესწავლის მიზნით, ერთგვარი გამოსავალი თავად იპოვა.

ნათია სახოკიას თქმით, გიგი ძლიან მიზანმიმართულია ყველა იმ საქმეში, რასაც დაიწყებს. ასე მოხდა ამჯერადაც. ხვალინდელი დღის განრიგს დღეს გეგმავს, რომელსაც უპირობოდ ასრულებს.

„რომ იცოეთ ის რამდენ დროს უთმობს ხატვას. შეიძლება შორიდან ჩანს თითქოს მარტივად ხდება ეს ყველაფერი. არა, ის საათბის ზის და ხატავს“, - ამბობს გიგის დედა, რომელიც შვილის იდეების პირველი მხარდამჭერი და რეალიზატორია.

როგორც მანადე დაწყებული სხვა აქტივობა, ამასაც ერთი მიზანი აქვს - აუტისტური სპექტრის აშლილობის მქონე ბავშვებზე არსებული სტიგმის დაძლევა, რომ ისინი არ არიან საინტერესო და საყურადღებო მხოლოდ სტატუსის გამო, რომ მათ გააჩნიათ ნიჭი, უნარები და შეუძლიათ გახდნენ წარმატებული, რეალიზებული მოქალაქეები.

დედა-შვილს წინ ბევრი ერთობლივი გეგმა აქვს. ნათია მაბობს, რომ 14 აპრილისთვის, ქართული ენის დღისთვის, მოზარდი ვაჟა ფშაველას პორტრეტის დახატვას და მისი ფრაზების დაწერას გეგმავს.

„ეს იდეა მას მე შევთავაზე. მინდა, რომ მან ასე ისწავლოს ვაჟა ფშაველას ბიოგრაფია და მისი დიდი ღვაწლი ქართლ ლიტერატურაში. ქართველი მწერლების და პოეტების ბიოგრაფიების შესწავლა გიგის ახალი გატაცებაა. ის უკვე გაეცნო 20-მდე ქართველი მწერლის და პოეტის ბიოგრაფიას. მე შევთავაზე, რადგან ხატვით ეცნობა და ილუსტრაციებით სწავლობს, დაეხატა მწერლები, მაგალითად ვაჟა ფშაველა. რადგან მას ამ მიმართულებით უნარი აქვს, იდეებს ვაწვდი. ის მაძლევს ამის სტიმულს. მე მან მასწავლა ბევრი რამ. ბევრი რამ ვისწავლეთ ერთად“, - ამბობს ნათია.

გიგი სიჭინავა აუტისტური სპექტრის აშლილობის მქონე მოზარდია. ახალგაზრდა ხელოვანი ნამუშევრებს საკუთარ სახელოსნოში ქმნის, რომელიც მშობლებმა 2017 წელს გაუხსნეს. გიგის უკვე ჰქონდა რამდენიმე პერსონალური გამოფენა. მისი ნახატებით დაიბეჭდა პაზლიც.