ტრაილერის მძროლი, რომელსაც კორონავირუსი ზუგდიდში, კორონავირუსი დაუდასტურდა, რუხის საუნივერსიტეტო კლინკიდან თბილისში გადაიყვანეს.

„მისმა მკურნალმა ექიმმა ჩათვალა, რომ ის გადაეყვანათ თბილისში, მისი ჯანმრთელობის მდგომარეობა ფასდებოდა, როგორც მძიმე“, - განაცხადა ზუგდიდის საზოგადოებრივი ჯანდაცვის ცენტრის დირექტორმა ნანა ოდიშარიამ.

მისივე ინფორმაციით მამაკაცი, შიდაგადაზიდვების დროს ის იმყოფებოდა თბილისში, ფოთში, მარნეულში, რუსთავში და მესტიაში.

„ამ ლოკაციებზე დავადგინეთ კონტაქტები და მიმდინარეობს მუშაობა ახალი კონტაქტების გამოსავლენად“, - განაცხადა ნანა ოდიშარიამ.

კოვიდინფიცირებული მამაკაცი 17 აპრილს ჩამოვიდა ერევნიდან და 1 მაისამდე იმყოფებოდა თვითიზოლაციაში. შემდეგ კი განახორციელა შიდა გადაზიდვები. მას ვირუსი 15 მაისს დაუდასტურდა.