ზუგდიდის საზოგადოებრივი ჯანდაცვის ცენტრის ხელმძღვანელის თქმით, შეუძლიათ თქვან, რომ პაციენტი მარნეულში დაინფიცირდა. ნანა ოდიშარიას განმარტებით, ამის თქმის საფუძველს აძლევთ ტრაილერის მძღოლის შემთხვევაში დაავადების დაწყების თარიღი, მარნეულში პირის კონტაქტი იქაურ ადგილობრივ მოსახლეობასთან. ისიც, რომ ინფიცირებული აღიარებს ცალკეულ ადამიანებთან დაუცველ კონტაქტს.

"მარნეულის კლასტერის გაგრძელებაა მისი კლასტერი, შეიძლება მიებას. ვფიქრობთ, ეს იყო კონტაქტი მარნეულში ინფიცირებულ პირთან და მარნელის კლასტერის გაგრძელება", - აღნიშნა ნანა ოდიშარიამ.

მისივე თქმით, ისინი ტრაილერის მძღოლის კონტაქტებს არამხოლოდ რეგიონში, არამედ ქვეყნის მასშტაბითაც ეძებენ და კვლევები გრძელდება, მათ შორის ჩაღრმავებული ეპიდ კვლევა.

ნანა ოდიშარია ამბობს, რომ ინფიცირებულის კონტაქტები ფართოვდება. ნაწილი საკარანტინო სივრცეში გადაიყვანეს, ზოგი კი თვითიზოლაციაშია.

"ამჟამად 24 პირი იმყოფება საკარანტინო სივრცეში. 11 გვყავს თვითიზოლაციაში. ოთხი პირი გზაშია და გადმოდის საკარანტინო სივრცეში", - აღნიშნა მან.

მისივე თქმით, თერმოსკრინინგი ჩატარდა 227 ოჯხში, სულ 651 პირთან, რომლებიც ასევე გამოიკითხნენ. არცერთ მათგანს ბოლო ორ კვირაში ტემპერატურა არ გამოვლენია.

რუხის საავადმყოფოში დღეს სულ 22 პაციენტი მკურნალობს, აქედან 10-ს კორონავირუსი აქვს დადასტურებული. ამ 10-დან 6 ტრაილერის მძღოლის კონტაქტია. მათ შორის მძღოლის დედა და 2 შვილი ასევე, ნათესავები - 40 წლამდე ასაკის ცოლ-ქმარი და ერთი ბავშვი მკურნალობ.

თავად ინფიცირებული მძღოლ სამკურნალოდ თბილისშია გადაყვანილი.