ახალი ამბები
რუსი სამხედროები ხურჩა-ნაბაკევის საოკუპაციო ხაზთან მავთულხლართებს ანახლებენ
FaceBook Twitter
E-mail Print
რუსეთის მიერ ოკუპირებული აფხაზეთის სამხედროებმა მავთულხლართების განახლება ხურჩა-ნაბაკევის საოკუპაციო ხაზთანაც დაიწყეს. მანამდე ეს პროცესი წალენჯიხის სოფელ ფახულანის მოსაზღვრე, ოკუპირებულ საბერიოში მიმდინარეობდა.

როგორც „ლაივპრესს“ ზუგდიდის მუნიციპალიტეტის სოფელ ხურჩაში მცხოვრებმა რესპონდენტმა განუცხადა, რუსი სამხედროები ძველ, დაზიანებულ ბოძებს და მავთულხლართებს ახლით ანაცვლებენ ოკუპირებულ ტერიტორიაზე, სოფელ ნაბაკევში. მისი ინფორმაციით, საოკუპაციო ხაზის განახლება-გამაგრება ეტაპობრივად ხდება, სხვადასხვა უბანზე.

მავთულხლართები ხურჩა-ნაბაკევის საოკუპაციო ზოლზე. ფოტო: "ლაივპრესი"

„სადაც გაწყვეტილია ან გაჭრილია მავთული, იმ ადგილზე გაავლებენ ახალს. წლების განმავლობაში ხომ ფუჭდება ეს მავთულები. ხან ძროხა გაებმება და ზიანდება, ხანაც სპეციალურად არის გაჭრილი. ადრე, როცა ხალხი არალეგალურად ახერხებდა გადასვლას, შეგნებულად ჭრიდნენ, რომ ნაბაკევში გადასულიყვნენ. ჩემი ეზოდან ვხედავდი, როგორ გაავლეს ახალი მავთული. ჯერ მოიტანენ ბოძებს, მავთულებს, დაყრიან და შეიძლება 3-4 დღე არ გამოჩდნენ. ნელ-ნელა აკეთებენ. შეიძლება ბევრმა ვერც შეამჩნიოს, ისე ნელა მუშაობენ“, - ამბობს „ლაივპრესის“ ხურჩელი რესპონდენტი, რომლის ვინაობასაც მისივე თხოვნით არ ვასახელებთ.

მისი ცნობითვე, მავთულხლართების პარალელურად ოკუპირებულ ნაბაკევში, საოკუპაციო ხაზის გასწვრივ ორმოებიც აქვთ გათხრილი, რათა ადმინისტრაციულ საზღვარზე გადაადგილება მოქალაქეებმა ვერ შეძლონ.

ოკუპირებულ ნაბაკევში მავულხლართების განახლების ფაქტს ადასტურებენ სახელმწიფო უსაფრთხოების სამსახურში. „ლაივპრესს“ სუსში განუცხადეს, რომ „ოკუპირებული აფხაზეთის მიმართულებით, ზუგდიდის მუნიციპალიტეტის სოფელ ხურჩის მიმდებარედ, ოკუპირებულ ტერიტორიაზე საოკუპაციო ძალების მიერ განხორციელდა უკანონო ე.წ. ბორდერიზაციის პროცესი, შეიცვალა ადრე არსებული მავთულხლართები და აღიმართა დამატებითი უკანონო ინსტალაციები. აღნიშნულის შესახებ გააქტიურებულია ცხელი ხაზი, ინფორმირებულია ევროკავშირის სადამკვირვებლო მისია. უკანონო ე.წ. ბორდერიზაცია აზიანებს ადგილზე არსებულ უსაფრთხოების გარემოს და ართულებს ადგილობრივების ყოველდღიურ ცხოვრებას“, - აცხადებენ სუსში.

საბერიო-ფახულანის საოკუპაციო ხაზი. ფოტო: რადიო თავისუფლება

გასულ კვირაში მავთულხლართების განახლება დე ფაქტო რესპუბლიკის ე.წ. მესაზღვრეებმა წალენჯიხის მუნიციპალიტეტის მოსაზღვრე, ოკუპირებულ სოფელ საბერიოში დაიწყეს. როგორც „ლაივპრესს“ ოკუპირებული საბერიოს მცხოვრებლებმა უთხრეს, ე.წ. საზღვარზე, სადაც გადაადგილება მოქალაქებს ისედაც აკრძალული ჰქონდა, კონტროლი კიდევ უფრო გამკაცრდა.

აფხაზეთ-სამეგრელოს საოკუპაციო ხაზზე 2017 წლამდე 4 ე.წ. გამშვები პუნქტი - ენგურის ხიდი, ხურჩა-ნაბაკევი, ოტობაია-ორსანტია და საბერიო-ფახულანი ფუნქციონირებდა. მათ ყოველდღიურად ასობით ადამიანი კვეთდა.

2017 წლიდან კი დე ფაქტო ხელისუფლებამ უმრავლესობა ჩაკეტა. ზუგდიდის მუნიციპალიტეტთან დატოვა მხოლოდ ენგურის ხიდი, წალენჯიხაში კი საბერიო-ფახულანი. თუმცა პანდემიის გამო დე ფაქტო ხელისუფლებამ გადაადგილება ამ პუნქტებზეც აკრძალა 2020 წლის 14 მარტიდან.
Print E-mail
Twitter
სხვა მასალები
გენერალური პროკურატურის სამართალწარმოების პროცესში ჩადენილი
15:47 / 27.09.2021
გენერალური პროკურატურის სამართალწარმოების პროცესში ჩადენილი
1-ელ ოქტომბრამდე დასავლეთ საქართველოს ზოგიერთ რაიონში იწვიმებს.
14:10 / 27.09.2021
1-ელ ოქტომბრამდე დასავლეთ საქართველოს ზოგიერთ რაიონში იწვიმებს.
სოხუმის დაცემის დღესთან დაკავშირებით, შერიგებისა და სამოქალაქო
თანასწორობის
12:19 / 27.09.2021
სოხუმის დაცემის დღესთან დაკავშირებით, შერიგებისა და სამოქალაქო თანასწორობის
ბოლო 24 საათში 13 277 კვლევა ჩატარდა ტესტით. მათ შორის ანტიგენის
10:48 / 27.09.2021
ბოლო 24 საათში 13 277 კვლევა ჩატარდა ტესტით. მათ შორის ანტიგენის
კორონავირუსი

საბჭოთა რეპრესიები

ვიდეო
Life in exile during the pandemic [Documentary film]

In the village Rukhi in Zugdidi municipality, nine internally displaced

„არ ყოფილა საშიში“ - ვაქცინაცია სოფლის ამბულატორიაში [ვიდეო]
74 წლის ზაურ ჯიქია დროებით მოწყდა თხილნარში მოსავლის
ფოტო
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში მცხოვრებ მოქალაქეებს
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
 26 მაისი ზუგდიდში [ფოტო]
დამოუკიდებლობის დღეს ზუგდიდში, უკვე მეორე წელია არ იმართება
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.