დევნილთა კორპუსების მშენებლობაზე დასაქმებულები სამი თვის დავალიანებას ითხოვენ
ზუგდიდში, ბარამიას ქუჩაზე, დევნილთა საცხოვრებელი კორპუსის
მშენებლობაზე დასაქმებული
მუშები კუთვნილ ანაზღაურებას ითხოვენ. ისინი ამბობენ, რომ უკვე სამი
თვეა ხელფასი არ მიუღიათ დამსაქმებელი კომპანიის არაერთი დაპირების
მიუხედავად. მან ამ მოთხოვნით დღეს საპროტესტო აქციაც გამართეს.
აქციის მონაწილე ნიაზ ჩოკორაიამ "ლაივპრესს" უთხრა, რომ ისინი აქ ოთხი
თვის განმავლობაში მუშაობდნენ და ამ სამუშაოს უკვე მორჩნენ.
"50 კაცია, ვის მიმართაც კომპანიას დავალიანება აქვს. უნდა ყოფილიყო თანხა 25-ში. დღეს არის 27 და კიდევ როდის იქნება, არ ვიცით. დღეს-ხვალო, გვატყუებენ. ჩვენ, ერთ ბრიგადაში ხუთი კაცი ვართ და სადღაც 8 ათას ლარამდე გვაქვს ასაღები. მალიარკაზე ვმუშაობდით", - აღნიშნა მან.
ნიაზ ჩოკორაიას თქმით, კომპანიაში უთხრეს, რომ ხელფასს 5 ივნისს მიიღებენ. სწორედ ამ დრომდე წყვეტენ აქციას. თუკი დავალიანება არ დაიფარება, აქციები გაგრძელდება.
თავის მხრივ, კომპანია "რუმსში" ამბობენ, რომ აქ სამუშაოებს 2018 წლიდან თავად აწარმოებენ და ისინი "დაგის" ქვეკონტრაქტორები არიან. "დაგს" "რუმსის" მიმართ, განმარტეს, რომ არავითარი ფინანსური ვალდებულება არ აქვს და შესაბამისად, მუშებთან პასუხისმგებელი სწორედ "რუმსია".
კომპანიაში გვითხრეს, რომ სიცრუეა მუშების განცხადება, თითქოს მათ სამი თვეა ხელფასი არ მიუღიათ.
"ჩვენს კომპანიაში ხელფასი გაიცემა ყოველი თვის დასრულების შემდგომ, მომდევნო თვის პირველ კვირაში. კომპანია "რუმსს" აღნიშნულ მუშახელთან დავალიანება აქვს დასაფარი მხოლოდ მაისის თვის. რა თქმა უნდა, ყველა მუშახელი მიიღებს ივნისის პირველ კვირაში შესაბამის ანაზღაურებს, როდესაც მათ მიერ შესრულებული სამუშაოები დადასტურდება , რომ შესრულებულია ხარისხიანდ და ჯეროვნად შესაბამისი სამსახურების დადასტურების შემდგომ", - უთხრეს "ლაივპრესს" კომპანიაში.
"50 კაცია, ვის მიმართაც კომპანიას დავალიანება აქვს. უნდა ყოფილიყო თანხა 25-ში. დღეს არის 27 და კიდევ როდის იქნება, არ ვიცით. დღეს-ხვალო, გვატყუებენ. ჩვენ, ერთ ბრიგადაში ხუთი კაცი ვართ და სადღაც 8 ათას ლარამდე გვაქვს ასაღები. მალიარკაზე ვმუშაობდით", - აღნიშნა მან.
ნიაზ ჩოკორაიას თქმით, კომპანიაში უთხრეს, რომ ხელფასს 5 ივნისს მიიღებენ. სწორედ ამ დრომდე წყვეტენ აქციას. თუკი დავალიანება არ დაიფარება, აქციები გაგრძელდება.
თავის მხრივ, კომპანია "რუმსში" ამბობენ, რომ აქ სამუშაოებს 2018 წლიდან თავად აწარმოებენ და ისინი "დაგის" ქვეკონტრაქტორები არიან. "დაგს" "რუმსის" მიმართ, განმარტეს, რომ არავითარი ფინანსური ვალდებულება არ აქვს და შესაბამისად, მუშებთან პასუხისმგებელი სწორედ "რუმსია".
კომპანიაში გვითხრეს, რომ სიცრუეა მუშების განცხადება, თითქოს მათ სამი თვეა ხელფასი არ მიუღიათ.
"ჩვენს კომპანიაში ხელფასი გაიცემა ყოველი თვის დასრულების შემდგომ, მომდევნო თვის პირველ კვირაში. კომპანია "რუმსს" აღნიშნულ მუშახელთან დავალიანება აქვს დასაფარი მხოლოდ მაისის თვის. რა თქმა უნდა, ყველა მუშახელი მიიღებს ივნისის პირველ კვირაში შესაბამის ანაზღაურებს, როდესაც მათ მიერ შესრულებული სამუშაოები დადასტურდება , რომ შესრულებულია ხარისხიანდ და ჯეროვნად შესაბამისი სამსახურების დადასტურების შემდგომ", - უთხრეს "ლაივპრესს" კომპანიაში.