ენმ-ის საჩივარზე ზუგდიდის მერის წინააღმდეგ, სუსმა გამოძიება არ დაიწყო
"ერთიანი ნაციონალური მოძრაობის" ზუგდიდის ოფისის ხელმძღვანელის, ანა
წითლიძის საჩივარზე მერის, გიორგი შენგელიას წინააღმდეგ,
გამოძიება არ დაიწყო. უთხრეს "ლაივპრესს" სახელმწიფო უსაფრთხოების
სამსახურში. მათი განმარტებით, საქმეში დანაშაულის ნიშნები არ
გამოკვეთილა.
"პროკურატურამ მოგვმართა ამ საქმესთან დაკავშირებით, ენმ-ის წევრის წერილის საფუძველზე. გამოვითხოვეთ დოკუმენტაცია ზუგდიდის მერიისგანშევისწავლეთ. დანაშაულის ნიშნების არარსებობის გამო გამოძიება არ დაგვიწყია", - აღნიშნეს უსაფრთხოების სამსახურში.
უსაფრთხოების სამსახურის ანტიკორუფციულმა სააგენტომ ზუგდიდის მერიისგან 11 ივნისს გამოითხოვა დოკუმენტაცია, რომელიც ყინულის სახლის მიმდებარე ტერიტორიის გასხვისებას ეხება.
მანამდე, "ერთიანი ნაციონალური მოძრაობის" ზუგდიდის ოფისის ხელმძღვანელმა ანა წითლიძემ ამ ტერიტორიის გაყიდვასთან დაკავშირებით, ინვესტორთან კორუფციული გარიგების გამოძიების მოთხოვნით ზუგდიდის მერის, გიორგი შენგელიას წინააღმდეგ საოლქო პროკურატურას 2 ივნისს მიმართა.
ანა წითლიძის განცხადებით, კომპანია მ²-მა იყიდა ყინულის სახლის მიმდებარე ტერიტორია და აიღო რამდენიმე ვალდებულება, თუმცა შემდეგ მერის დაინტერესებით, პირობები შეიცვალა და ვალდებულებების შესრულება, რაზეც ზუგდიდის მერია ამბობდა, რომ ინვესტორს ეკისრებოდა, ადგილობრივი ბიუჯეტიდან მოხდა.
თავის მხრივ, ზუგდიდის მერის გიორგი შენგელია აცხადებს, რომ მიწის ნაკვეთის სანაცვლოდ ვალდებულებებს ინვესტორი მხოლოდ იმ შემთხვევაში კისრულობდა, თუ მას ეს ტერიტორია სიმბოლურ ფასად - 1 ლარად გადაეცემოდა.
ყინულის მოედნის მიმდებარე ტერიტორია 2019 წლის ივნისში გაიყიდა. ფართობი 7 მილიონ 270 ათას 118 ლარად მ2-მა შეიძინა. ელექტრონული აუქციონის პირობების თანახმად, განხორციელდება 8 მილიონი ამერიკული დოლარის ღირებულების ინვესტიცია. კერძოდ, აშენდება 80 ნომრიანი საერთაშორისო სტანდარტების ბრენდული სასტუმრო.
ეს ის ტერიტორიაა, რომლის გასხვისების წინადადებასაც თავის დროზე საპროტესტო აქციები მოჰყვა. მათ შორის საკრებულოს სხდომაზე ტერიტორიის საპრივატიზებო ნუსხაში შეტანა სამოქალაქო აქტივისტებს, ოპოზიციას და საკრებულოში უმრავლესობის დეპუტატებს შორის დაპირისპირების ფონზე მოხდა.
"პროკურატურამ მოგვმართა ამ საქმესთან დაკავშირებით, ენმ-ის წევრის წერილის საფუძველზე. გამოვითხოვეთ დოკუმენტაცია ზუგდიდის მერიისგანშევისწავლეთ. დანაშაულის ნიშნების არარსებობის გამო გამოძიება არ დაგვიწყია", - აღნიშნეს უსაფრთხოების სამსახურში.
უსაფრთხოების სამსახურის ანტიკორუფციულმა სააგენტომ ზუგდიდის მერიისგან 11 ივნისს გამოითხოვა დოკუმენტაცია, რომელიც ყინულის სახლის მიმდებარე ტერიტორიის გასხვისებას ეხება.
მანამდე, "ერთიანი ნაციონალური მოძრაობის" ზუგდიდის ოფისის ხელმძღვანელმა ანა წითლიძემ ამ ტერიტორიის გაყიდვასთან დაკავშირებით, ინვესტორთან კორუფციული გარიგების გამოძიების მოთხოვნით ზუგდიდის მერის, გიორგი შენგელიას წინააღმდეგ საოლქო პროკურატურას 2 ივნისს მიმართა.
ანა წითლიძის განცხადებით, კომპანია მ²-მა იყიდა ყინულის სახლის მიმდებარე ტერიტორია და აიღო რამდენიმე ვალდებულება, თუმცა შემდეგ მერის დაინტერესებით, პირობები შეიცვალა და ვალდებულებების შესრულება, რაზეც ზუგდიდის მერია ამბობდა, რომ ინვესტორს ეკისრებოდა, ადგილობრივი ბიუჯეტიდან მოხდა.
თავის მხრივ, ზუგდიდის მერის გიორგი შენგელია აცხადებს, რომ მიწის ნაკვეთის სანაცვლოდ ვალდებულებებს ინვესტორი მხოლოდ იმ შემთხვევაში კისრულობდა, თუ მას ეს ტერიტორია სიმბოლურ ფასად - 1 ლარად გადაეცემოდა.
ყინულის მოედნის მიმდებარე ტერიტორია 2019 წლის ივნისში გაიყიდა. ფართობი 7 მილიონ 270 ათას 118 ლარად მ2-მა შეიძინა. ელექტრონული აუქციონის პირობების თანახმად, განხორციელდება 8 მილიონი ამერიკული დოლარის ღირებულების ინვესტიცია. კერძოდ, აშენდება 80 ნომრიანი საერთაშორისო სტანდარტების ბრენდული სასტუმრო.
ეს ის ტერიტორიაა, რომლის გასხვისების წინადადებასაც თავის დროზე საპროტესტო აქციები მოჰყვა. მათ შორის საკრებულოს სხდომაზე ტერიტორიის საპრივატიზებო ნუსხაში შეტანა სამოქალაქო აქტივისტებს, ოპოზიციას და საკრებულოში უმრავლესობის დეპუტატებს შორის დაპირისპირების ფონზე მოხდა.