ხობის სოფელ ქვალონთან ავტობუსს უცნობმა პირებმა ქვა ესროლეს.

კომპანიის ხელმძღვანელმა ვახტანგ კუტალიამ "ლაივპრესს" უთხრა, რომ ამოღებულია ვიდეორეგისტრატორის ჩანაწერები და არსებობენ ეჭვმიტანილები.

"საქმეზე მიმდინარეობს გამოძიება. არსებობს ჩანაწერები და დაველოდოთ გამოძიების შედეგს", - განაცხადა ვახტანგ კაკულიამ.

ავტობუსს ქვა 9 ივლისსაც ესროლეს. მაშინ, მომხდარზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

თუმცა როგორვ კომპანიის დირექტორი აცხადებს, ავტობუსის დაზიანების პირველ შემთხვევაზე არავინ დაუკავებიათ.

კომპანიის ხელმძღვანელი ავტობუსის დაზიანების ფაქტებს კონკურენციას უკავშირებს.

კომპანია "გლობუსის" ტრანსპორტმა 9 ივნისიდან დაიწყო ზუგდიდში მუშაობა.