პატრიოტთა ალიანსის ლიდერები აფხაზეთში პრეზიდენტის თანაშემწეს შეხვდნენ - არუაა
აფხაზეთში მოქმედი ვეტერანთა ორგანიზაცია
"არუაას" ინფორმაციით, "პატრიოტთა ალიანსის" ლიდერები, ირმა ინაშვილი
და დავით თარხან მოურავი ე.წ. პრეზიდენტის, ასლან ბჟანიას თანაშემწეს,
ლაშა საქანიას შეხვდნენ. მათივე ცნობით, საიდუმლო შეხვედრა 1 8
აგვისტოს შედგა, რომლის შესახებაც მედიით და სხვადასხვა წყაროთი
შეიტყვეს.
ორგანიზაციის თქმით, ისინი ოფიციალურ ინფორმაციას ელოდებიან ე.წ. ხელისუფლებისგან უახლოეს პერიოდში, წინააღმდეგ შემთხვევაში მიმართავენ დე ფაქტო პარლამენტს და დეპუტატებს, ოფიციალური მოთხოვნით მიმართონ შესაბამის სტრუქტურებს, ამ შეხვედრის მიზეზის დასადგენად და გაიმრთოს საკომიტეტო მოსმენაც საკანონმდებლო ორგანოში.
"მთავარმა არხმა" გაავრცელა ინფორმაცია, "პატრიოტთა ალიანსის" ლიდერების აფხაზეთში ჩასვლის შესახებ, რასაც მათ სასწრაფო დახმარების ექიმი უდასტურებს, რომელმაც ისინი განმუხურის საკარანტინო სივრცეში გადაიყვანა. "ლაივპრესთან" თავად პარტიაში არც დაადასტურეს და არც უარყვეს ეს ცნობა და აღნიშნეს, რომ ამ საკითხებზე უახლოეს დღეებში ირმა ინაშვილი ისაუბრებს. ზუგდიდის საზოგადოებრივი ჯანდაცვის ცენტრის ხელმძღვანელმა ნანა ოდიშარიამ კი გვითხრა, რომ აქვს ინფორმაცია ირმა ინაშვილის განმუხურის კარანტინში ყოფნის შესახებ. თუმცა იგივეს ვერ იტყვის დავით თარხან მოურავზე.
მომხდართან დაკავშირებით სახელმწიფო უსაფრთხოების სამსახურში კომენტარს არ აკეთებენ.
ენგურის ხიდი პანდემიის მიზეზით უკვე მეექვსე თვეა სოხუმმა ჩაკეტა. ხიდი ამ ხნის მანძილზე დე ფაქტო ხელისუფლების გადაწყვეტილებით, ოთხჯერ ცალმხრივად გაიხსნა და დაიხურა, რა დროსაც დანარჩენ საქართველოში დარჩენილთა ნაწილი საკუთარ სახლებში დაბრუნდა. აფხაზეთიდან თბილისის მიერ კონტროლირებად ტერიტორიაზე ე.წ. ხელისუფლება მხოლოდ ავადმყოფებს, სპეციალური ნებართვის საფუძველზე უშვებს.
აფხაზეთიდან გადმოსულებს სავალდებულო კარანტინის გავლა უწევთ.
ირმა ინაშვილმა ჯერ კიდევ 2018 წელს განაცხადა, რომ მზად იყო თანაგუნდელებთან ერთად აფხაზეთში ჩასასვლელად. მისი თქმით, თუ ქვეყნის გაერთიანება სურთ, პირდაპირი დიალოგის გარეშე ეს არ გამოვა.
"სწორედ ამიტომ, ღიად ვსაუბრობთ აფხაზებთან და ოსებთან და გავაგრძელებთ ამ საუბარს არა მარტო მოსკოვში, არამედ ბრიუსელში, სტრასბურგში, თვითონ სოხუმშიც", - განმარტა მან.
არუაა ომის ვეტერანთა ორგანიზაციაა, რომელიც ბოლო პერიოდში ე.წ მთავრობის კრიტიკით გამოირჩევა. მათი უკმაყოფილების მიზეზი დე ფაქტო ხელისუფლების წარმომადგენელთა განცხადებები გახდა, რომელთაგან ერთი თბილისთან დიალოგის მზაობას, მეორე კი გალელების პასპორტიზაციას შეეხება.
ორგანიზაციის თქმით, ისინი ოფიციალურ ინფორმაციას ელოდებიან ე.წ. ხელისუფლებისგან უახლოეს პერიოდში, წინააღმდეგ შემთხვევაში მიმართავენ დე ფაქტო პარლამენტს და დეპუტატებს, ოფიციალური მოთხოვნით მიმართონ შესაბამის სტრუქტურებს, ამ შეხვედრის მიზეზის დასადგენად და გაიმრთოს საკომიტეტო მოსმენაც საკანონმდებლო ორგანოში.
"მთავარმა არხმა" გაავრცელა ინფორმაცია, "პატრიოტთა ალიანსის" ლიდერების აფხაზეთში ჩასვლის შესახებ, რასაც მათ სასწრაფო დახმარების ექიმი უდასტურებს, რომელმაც ისინი განმუხურის საკარანტინო სივრცეში გადაიყვანა. "ლაივპრესთან" თავად პარტიაში არც დაადასტურეს და არც უარყვეს ეს ცნობა და აღნიშნეს, რომ ამ საკითხებზე უახლოეს დღეებში ირმა ინაშვილი ისაუბრებს. ზუგდიდის საზოგადოებრივი ჯანდაცვის ცენტრის ხელმძღვანელმა ნანა ოდიშარიამ კი გვითხრა, რომ აქვს ინფორმაცია ირმა ინაშვილის განმუხურის კარანტინში ყოფნის შესახებ. თუმცა იგივეს ვერ იტყვის დავით თარხან მოურავზე.
მომხდართან დაკავშირებით სახელმწიფო უსაფრთხოების სამსახურში კომენტარს არ აკეთებენ.
ენგურის ხიდი პანდემიის მიზეზით უკვე მეექვსე თვეა სოხუმმა ჩაკეტა. ხიდი ამ ხნის მანძილზე დე ფაქტო ხელისუფლების გადაწყვეტილებით, ოთხჯერ ცალმხრივად გაიხსნა და დაიხურა, რა დროსაც დანარჩენ საქართველოში დარჩენილთა ნაწილი საკუთარ სახლებში დაბრუნდა. აფხაზეთიდან თბილისის მიერ კონტროლირებად ტერიტორიაზე ე.წ. ხელისუფლება მხოლოდ ავადმყოფებს, სპეციალური ნებართვის საფუძველზე უშვებს.
აფხაზეთიდან გადმოსულებს სავალდებულო კარანტინის გავლა უწევთ.
ირმა ინაშვილმა ჯერ კიდევ 2018 წელს განაცხადა, რომ მზად იყო თანაგუნდელებთან ერთად აფხაზეთში ჩასასვლელად. მისი თქმით, თუ ქვეყნის გაერთიანება სურთ, პირდაპირი დიალოგის გარეშე ეს არ გამოვა.
"სწორედ ამიტომ, ღიად ვსაუბრობთ აფხაზებთან და ოსებთან და გავაგრძელებთ ამ საუბარს არა მარტო მოსკოვში, არამედ ბრიუსელში, სტრასბურგში, თვითონ სოხუმშიც", - განმარტა მან.
არუაა ომის ვეტერანთა ორგანიზაციაა, რომელიც ბოლო პერიოდში ე.წ მთავრობის კრიტიკით გამოირჩევა. მათი უკმაყოფილების მიზეზი დე ფაქტო ხელისუფლების წარმომადგენელთა განცხადებები გახდა, რომელთაგან ერთი თბილისთან დიალოგის მზაობას, მეორე კი გალელების პასპორტიზაციას შეეხება.