ზუგდიდის ინფექციური საავადმყოფოს ლაბორატორიაში ახალ კორონავირუსზე 352 პირის ბიოლოგიური ნიმუში გამოიკვლიეს.

350 ნიმუშის უარყოფითია. დადებითია ლენჯერის კლასტერიდან თვითიზოლაციაში მყოფი პირის შედეგი. ერთიც საეჭვოა იგივე კლასტერიდან და საჭიროებს განმეორებით ტესტირებას.

გამოკვლეულებს შორის 105 ნიმუში მესტიის მუნიციპალიტეტიდან იყო.

რისკ ჯგუფების მიხედვით შემოწმდა 21 პაციენტი. ამათგან ერთს, ე.წ. ლენჯერის განმეორებითმა ტესტირებამ უარყოფითი უჩვენა და ის გამოჯანმრთელებულია. ამავე კლასტერიდან კიდევ 6 პაციენტი შუალედურად გაიტესტა.

შეამოწმეს სამედიცინო პერსონალის 82 წარმომადგენელი, მესტიის საკარანტინე სივრცეებში მყოფი 18 მოქალაქე, ანაკლიის საკარანტინე სივრციდან 7, თვითიზოლაციაში მყოფი 34 პირი, მათ შორის 32 მესტიის მუნიციპალიტეტიდან.

ასევე, შემოწმდა შსს-ს 82 თანამშრომელი, საზოგადოებრივი ტრანსპორტის 31 თანამშრომელი, ეპიდკერაში მყოფი 58 მოქალაქე, ფოთის საბაჟოს 19 თანამშრომელი.

ჯამში, 352-დან 350 ტესტირების პასუხი კორონავირუსზე უარყოფითია.