ზუგდიდის მუნიციპალიტეტის სოფელ ნაცატუში საავტომობილო გზის მშენებლობის მოთხოვნით საპროტექტო აქცია გამართეს ადგილობრივმა მცხოვრებლებმა. მათ ზუგდიდი-წალენჯიხის ცენტრალური გზა რამდენიმე წუთით გადაკეტეს. აქციის მონაწილეების თქმით, მერიის მხრიდან უყურადღებობის გამო გლეხი იძულებული გახადა თხილნარში სამუშაო მიეტოვებინა და პრობლემის მოგვარების მოთხოვნით ქუჩაში გამოსულიყო.

შეკრებილების თქმით, რამდენჯერმე მიმართეს გზის დაგების მოთხოვნით მუნიციპალიტეტის მერიას, თუმცა ყურადღება არვის მიუქცევია და პრობლემა დღემდე მოუგვარებელი რჩება.

„მანქანა ვერ მოძრაობს და სოფლიდან ავადმყოფი ვერ გაგვყავს. ვითხოვთ გზას, სხვას კი არაფერს. მერიაში განცხადებაც დავტოვეთ, მაგრამ აი დღეს მაინც იძულებული გავხდით, რომ გამოვსულიყავით გზაზე და გადაკვეკეტა გზა. ეს გაგრძელდება სანამ მოთხოვნა არ შესრულდება“, - განაცხადა აქციის ერთ-ერთმა მონაწილემ.

მათ ზუგდიდის მუნიციპალიტეტის მერის პირველი მოადგილე გიგა ფარულავა შეხვდა და პრობლემის მოგვარებას დაჰპიდა. მერიის წარმომადგენელმა სამუშაოების დაწყების ვადა ვერ დაასახელა, თუმცა აღნიშნა, რომ სოფელ ნაცატუში გზა აუცილებლად გაკეთდება:

„აქ გზის მშენებლობის პირველი ეტაპი უკვე განხორციელდა და უნდა განხორციელდეს მეორე ეტაპიც, რისი მოთხოვნაც აქვს მოსახლეობას. მათ შევხვდით, გავესაუბრეთ. აქ ტექნიკა იმყოფებოდა რათა პირველ რიგში მოწესრიგდეს ის დროებითი, აუცილებელი ინფრასტრუქტურა, რომ მოქალაქეებისთვის შესაძლებელი იყოს გადაადგილება“, - განაცხადა მერის პირველმა მოადგილემ.

გიგა ფარულავას განმარტებითვე, მუნიციპალიტეტის მერია, როგორც კი მოიპოვებს დაფინანსებას, დაიწყება გზის მშენებლობის სამუშაოები.