ზუგდიდის ინფექციური საავადმყოფოს ლაბორატორიაში ახალ კორონავირუსზე 254 პირის ბიოლოგიური ნიმუში შეამოწმეს. მათ შორის 21 პაციენტი, მედპერსონალის 59 წარმომადგენელი, კარანტინში მყოფი 8 მოქალაქე, აქედან 2 ბოლო შემთვევის კონტაქტია, თვითიზოლაციაში მყოფი 5 პირი, შსს-ს 138 თანამშრომელი, 4 მძღოლი, ეპიდაფეთქების კერაში მყოფი ამდენივე პირი და დადასტურებული შემთხვევის კონტაქტი 15. ამ შემთხვევაში არ იგულისხმება ბოლო შემთხვევა.

ყველა შედეგი უარყოფითია.

ასევე, ბოლო შემთხვევის მოძიებული კონტაქტია 9. აქედან 4 კარანტინშია, 5 თვითიზოლაციაში. საუბარია მოქალაქეზე, რომელმაც თბილისი-ზუგდიდის მატარებლით იმგზავრა.

ახალგაზრდა ქალი, რომელსაც 29 აგვისტოს დაუდგინდა კორონავირუსი სასტუმროში 28 აგვისტოს დაბინავდა. ის თბილისის მკვიდრია. პაციენტი ამჟამად გადაყვანილია რუხის საავადმყოფოში. ჯანმრთელობის მდგომარეობა სტაბილურია.