თურქეთის მოქალაქეს, ნატო-ს ჯარების წარმომადგენელს, რომელიც 31 აგვისტოს ფოთში იმყოფებოდა, კორონავირუსი დაუდასტურდა. ინფორმაცია "ლაივპრესს" ფოთის საზოგადოებრივი ჯანდაცვის ცენტრის ხელმძღვანელის მოადგილე ზინაიდა გაგუამ დაუდასტურა. მისი თქმით, შეხვედრა დღის 15:00 საათზე, ნავსადგურში შედგა.

მანვე აღნიშნა, რომ ვირუსი თურქეთის მოქალაქეს ბათუმში დაუდასტურდა. ამის შესახებ კი შეტყობინება გუშინ, 2 სექტემბერს მიიღეს.

"ამ შეხვედრას ესწრებოდა ორი ფოთელი. ისინი გავტესტეთ და დღეს ველოდებით პასუხს. ორივე თვითიზოლაციაშია. მათი ჯანმრთელობის მდგომარეობა კარგია. სისტემატიურ რეჟიმში ვაკვირდებით", - აღნიშნა ზინაიდა გაგუამ.

მისივე ცნობით, შეხვედრას თურქეთის და ამერიკის წარმომადგენლებიც ესწრებოდნენ. იყვნენ სტუმრები თბილისიდანაც.