ახალი ამბები
შეიარაღებულმა პირებმა გალში რუსეთის მოქალაქე გაიტაცეს
FaceBook Twitter
E-mail Print
ოკუპირებული გალის რაიონის სოფელ საბერიოდან ამავე სოფლის მკვიდრი, რუსეთის მოქალაქეობის მქონე ბიზნესმენი გაიტაცეს. „ეხო კავკაზა“ წყაროზე დაყრდნობით იუწყება, რომ 5 აგვისტოს, 22:00 საათზე, ოთხმა შეიარაღებულმა პირმა 58 წლის ბიზნესმენ ჯემალ სოსელიას ავტომობილი გააჩერა და ენგურჰესისკენ, „საქართველოს საზღვრის“ მიმართულებით წაყვანა აიძულა. თუმცა გზად, იმ იმედით, რომ ვინმე დახმარებას გაუწევდა, ჯემალ სოსელიამ მოულოდნელად ელექტროსადგურის მიმართულებით მოუხვია.

„ეხო კავკაზას“ წყაროს მტკიცებით, გამტაცებლებმა ამის გამო ბიზნესმენს სცემეს, დასისხლიანებული და სავარაუდოდ უგონო მდგომარეობაში მყოფი ტრანსპორტიდან გადმოიყვანეს, რისი თვითმხილველიც ენგურჰესის დაცვის 2 თანამშრომელი გახდა. მათ გატაცებულის დახმარება სცადეს, თუმცა შეიარაღებულებმა პირებმა სცემეს და ჩამოართვეს ტელეფონები.

ამის შემდეგ ბიზნესმენი ისევ ტრანსორტში ჩასვეს და ტყვარჩელისკენ დაიძრნენ. როგორც „ეხო კავკაზას“ წყარო ყვება, ისინი სწორედ იმ სოფლის მიმართულებით მოძრაობდნენ, საიდანაც დანარჩენ საქართველოში გადასვლაა შესაძლებელი. ამავე გამოცემის ცნობით, მოგვიანებით ბიზნესმენის ავტომობილიც აქ იპოვეს. წყარო ირწმუნება, რომ გამტაცებლები ქართულად და მეგრულად საუბრობდნენ.

რუსეთის მოქალაქის გატაცების შესახებ ცნობა თავდაპირველად გალის ე.წ. ადმინისტრაციის ყოფილმა უფროსმა თემურ ნადარაიამ ფეისბუკის საკუთარ გვერდზე გაავრცელა. ის ასევე წერს, რომ მსგავსი ფაქტები გალის რაიონში ბოლო 5 წელია არ დაფიქსირებულა.

მომხდართან დაკავშირებით ნადარაიამ კომენტარი გააკეთა „ეხო კავკაზასთან“. გალის დე ფაქტო ადმინისტრაციის ყოფილი უფროსი დარწმუნებულია, რომ დანაშაული „საქართველოდან ჩასულმა“ პირებმა ჩაიდინეს, რომლებსაც თანამზრახველები ჰყავთ გალის რაიონში.

მან ფაქტის კომენტირებისას გაიხსენა 2012-2014 წლები, როცა ოკუპირებულ რეგიონში ადამიანებს თითქმის ყოველდღიურად იტაცებდნენ. მისი მტკიცებით, ამას გალელები „ქართული ტერორისტული დაჯგუფებების“ დახმარებით ჩადიოდნენ.

„ეხო კავკაზას“ ინფორმაციით, ჯემალ სოსელიას დაბადების ადგილი არის საბერიო, თუმცა ცხოვრობს სოჭში, სადაც აქვს კერძო ბიზნესიც. ის რუსეთის მოქალაქეა. მშობლიურ სოფელში კი საკუთარ სახლს პერიოდულად სტუმრობს.
Print E-mail
Twitter
სხვა მასალები
მოსკოვში მიმდინარე მსოფლიო ჩემპიონატზე, 109+წონით კატეგორიაში, ლაშა
18:51 / 11.04.2021
მოსკოვში მიმდინარე მსოფლიო ჩემპიონატზე, 109+წონით კატეგორიაში, ლაშა
მოსკოვში მიმდინარე მსოფლიო ჩემპიონატზე, 109+წონით კატეგორიაში,
18:30 / 11.04.2021
მოსკოვში მიმდინარე მსოფლიო ჩემპიონატზე, 109+წონით კატეგორიაში,
ვიდეო
მოვედით, რომ პანდემია დასრულდეს - ზუგდიდელი პენსიონერები Covid19-ის ვაქცინაციაზე [ვიდეო]
აქ ახლა რიგი უნდა იყოს, - ამბობს 69 წლის რუბენ გახარია და მოსაცდელი
არ შეიძლება ვინმეს გამო ოცნებებზე უარი თქვა - სპელეოლოგი ქალი ჩხოროწყუდან [ვიდეო]
ჩხოროწყუში მიგარიას კირქვულ მასივზე არსებულ ლამაზ მღვიმეებს
ონლაინგაკვეთილიდან საკლასო ოთახში [ვიდეო]
პირველკლასელი ერეკლე მართალია, დილით ადრე
ფოტო
კორონავირუსის საწინააღმდეგო ვაქცინაცია ზუგდიდში [ფოტო]
საქართველოში კორონავირუსის საწინააღმდეგო ვაქცინაციის
 „ყინულის სამყარო“ სვანეთში
„ყინულის მინი სამყაროში“ ასე დაარქვა საკუთარ ფოტოამბავს
დათოვლილი მესტია და ჰეშკილი [ფოტო]
სვანეთი განსაკუთრებით ლამაზია ზამთარში, როცა მთები
საშობაო „ალილო“ მრევლის გარეშე [ფოტო]
პანდემიის გამო, ტრადიციული საშობაო „ალილოს" მსვლელობა
სვანეთი შემოდგომის ფერებში [ფოტოამბავი]
სვანეთი წელიწადის ნებისმიერ დროს გამოირჩევა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.