ახალი ამბები
შეიარაღებულებმა გატაცებული ბიზნესმენი საქართველოს საზღვრისკენ წაიყვანეს - ე.წ. შსს
FaceBook Twitter
E-mail Print
აფხაზეთის დე ფაქტო რესპუბლიკის პროკურატურამ დაიწყო გამოძიება ადამიანის გატაცების ფაქტზე. ე.წ. შსს-ს ცნობით, მათთან 6 სექტემბერს შევიდა შეტყობინება, რომ გატაცებულია 1962 წელს დაბადებული, სოფელ საბერიოს მკვიდრი ჯემალ სოსელია.

„უწყების“ მოკვლევით დადგინდა, რომ 5 სექტემბერს, დაახლოებით 11:00 საათზე, ტყვარჩელის რაიონის სოფელ რეჩხში შავებში ჩაცმულმა, შეიარაებულმა და ნიღბიანმა პირებმა ჯემალ სოსელიას ავტომობილი გააჩერეს და გალის რაიონის სოფელ დიხაზურგის მიმართულებით წაიყვანეს.

ე.წ. შს სამინისტროს ინფორმაციით, მოგვიანებით, ენგურჰესის მიმდებარე ტერიტორიაზე გამტაცებლებსა და ჯემალ სოსელიას შორის მოხდა სიტყვიერი შელაპარაკება მეგრულ ენაზე. მოგვიანებით კი კონფლიქტი ფიზიკურ დაპირისპირებაში გადაიზარდა.

როგორც დე ფაქტო რესპუბლიკის შს სამინისტროს განცხადებაში ვკითხულობთ, ამის შემდეგ სოსელია ძალის გამოყენებით წაიყვანეს საქართველოსთან ე.წ. საზღვრის მიმართულებით. მათივე ცნობით, დადგენილია, რომ მათ გზა ქვეითად ტყეში გააგრძელეს. ავტომობილი კი „სამართალდამცავებმა“ გალის რაიონის სოფელ ლეკუხონაში, გზაზე იპოვეს.

„სამინისტროში“ აცხადებენ, რომ მიმდინარეობს ოპერატიულ-სამძებრო ღონისძიებები.

ჯემალ სოსელიას გატაცების შესახებ ინფორმაცია 6 სექტემბერს გაავრცელა გალის რაიონის ე.წ. ადმინისტრაციის ყოფილმა ხელმძღვანელმა თემურ ნადარაიამ. ის დარწმუნებულია, რომ დანაშაული „საქართველოდან ჩასულმა პირებმა“ გალელი თანამზრახველების დახმარებით ჩაიდინეს, რადგან წლების წინ სწორედ ამ სქმებით ხდებოდა ადამიანის გატაცებები.

მოგვიანებით ინფორმაცია წყაროზე დაყრდნობით გაავრცელა რადიო „ეხო კავკაზამ“. მათი ცნობით, ჯემალ სოსელია საბერიოს მკვიდრია, ცხოვრობს სოჭში, სადაც აქვს კერძო ბიზნესი. ის რუსეთის მოქალაქეა, საბერიოში კი პერიოდულად, საკუთარ სახლს სტუმრობდა.

„ეხო კავკაზას“ წყაროს ცნობით, ენგურჰესის მიმდებარე ტერიტორიაზე ბიზნესმენის ცემის ფაქტს შეესწრო ჰესის დაცის 2 თანამშრომელი, რომლებმაც ჯემალ სოსელიას დახმარება სცადეს, თუმცა გამტაცებლებმა მათაც სცემეს და ტელეფონები წაართვეს.

მომხდართან დაკავშირებით, გალის ტელევიზია იუწყება, რომ გამტაცებლებისგან გამოსასყიდი თანხის შესახებ ცნობები ჯერ არ გავრცელებულა.
Print E-mail
Twitter
სხვა მასალები
მოსკოვში მიმდინარე მსოფლიო ჩემპიონატზე, 109+წონით კატეგორიაში, ლაშა
18:51 / 11.04.2021
მოსკოვში მიმდინარე მსოფლიო ჩემპიონატზე, 109+წონით კატეგორიაში, ლაშა
მოსკოვში მიმდინარე მსოფლიო ჩემპიონატზე, 109+წონით კატეგორიაში,
18:30 / 11.04.2021
მოსკოვში მიმდინარე მსოფლიო ჩემპიონატზე, 109+წონით კატეგორიაში,
ვიდეო
მოვედით, რომ პანდემია დასრულდეს - ზუგდიდელი პენსიონერები Covid19-ის ვაქცინაციაზე [ვიდეო]
აქ ახლა რიგი უნდა იყოს, - ამბობს 69 წლის რუბენ გახარია და მოსაცდელი
არ შეიძლება ვინმეს გამო ოცნებებზე უარი თქვა - სპელეოლოგი ქალი ჩხოროწყუდან [ვიდეო]
ჩხოროწყუში მიგარიას კირქვულ მასივზე არსებულ ლამაზ მღვიმეებს
ონლაინგაკვეთილიდან საკლასო ოთახში [ვიდეო]
პირველკლასელი ერეკლე მართალია, დილით ადრე
ფოტო
კორონავირუსის საწინააღმდეგო ვაქცინაცია ზუგდიდში [ფოტო]
საქართველოში კორონავირუსის საწინააღმდეგო ვაქცინაციის
 „ყინულის სამყარო“ სვანეთში
„ყინულის მინი სამყაროში“ ასე დაარქვა საკუთარ ფოტოამბავს
დათოვლილი მესტია და ჰეშკილი [ფოტო]
სვანეთი განსაკუთრებით ლამაზია ზამთარში, როცა მთები
საშობაო „ალილო“ მრევლის გარეშე [ფოტო]
პანდემიის გამო, ტრადიციული საშობაო „ალილოს" მსვლელობა
სვანეთი შემოდგომის ფერებში [ფოტოამბავი]
სვანეთი წელიწადის ნებისმიერ დროს გამოირჩევა
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.