ახალი ამბები
ირმა ინაშვილი ენგურის ხიდზე ელოდება აფხაზებისგან მობრუნებულ ხატს [ფოტო]
FaceBook Twitter
E-mail Print
„პატრიოტთა ალიანსის“ ლიდერები მხარდამჭერებთან ერთად ენგურის ხიდზე ელოდებიან აფხაზებისგან მობრუნებული ხატის გადმოიტანას.

საოკუპაციო ხაზთან იმყოფებიან ირმა ინაშვილი და გიორგი ლომია, რომლებმაც 3 კვირის წინ ილორის ტაძარში საჩუქრად ჩაიტანეს ხატი.

ირმა ინაშვილმა, აფხაზებისთვის ნაჩუქარი ხატის უკან დაბრუნებაში ქართველი პოლიტიკოსები და მედია დაადანაშაულა.

„მობრძანდება ილორის ღვთისმშობელი, ჩვენ უნდა დავხვდეთ, რომელიც ამიერიდან იქნება დევნილთა შემწე. იმიტომ, რომ თვითონ დევნილობაში მოექცა ეს ხატი და მე მინდა ძალიან საყურადღებო რამ ვუთხრა ქართულ საზოგადოებას, ქართველ ე.წ. პოლიტიკოსებს, თქვენ ჟურნალისტებს, გახარებულები ხართ „მთავარი არხი“, „ტვ პირველი“, „რუსთავი 2“, სხვა დანარჩენები?. შავი სიხარულით გიხარიათ ხატი რომ მობრძანდება?. მე გაოგნებული ვარ ჩვენი ე.წ. პოლიტიკური სპექტრის ქმედებით. გაოგნებული და შეძრწული ვარ ხატმებრძოლეობის მთელი ამ პროცესის ანალიზით და ეს არის ოცდამეერთე საუკუნის ხატმებრძოლეობა, რასაც ჩვენ ახლა თვალს ვადევნებთ. ძალიან სამწუხაროა, რომ ამაში ჩართული იყო მთელი პოლიტიკური სპექტრი. არა მარტო სააკაშვილ-ბოკერიები, არამედ სახელისუფლებო ლიდერებიც, კობახიძის შტო მთლიანად. ხატის გადმოცემა, რომ ხდება დღეს ამისთვის დიდად იშრომეს მათ, იმდენად დააზიანეს და გააფუჭეს ყველაფერი. მათი თვალსაწიერიდან ვამბობ ამას.

ძალიან სამწუხაროა, რომ იმ ნაბიჯს, რაც ჩვენ გადავდგით, ძალიან ჩუმ და უპრეტენზიო ნაბიჯს, რაც ჩვენ გადავდგით... მე თქვენ არ მომიწვევიხართ ენგურზე, როდესაც ხატს მივაბრძანებდით მე და გიორგი ლომია ილორის ტაძარში. მე, რომ პოლიტიკური ქულების დაწერა მდომებოდა აქ მოგიწვევდით ენგურის ხიდზე და თქვენ გადაიღებდით ამ ყველაფერს“, - განაცხადა ირმა ინაშვილმა.

მან აფხაზებსაც მიმართა და თქვა, რომ ხატის უკან დაბრუნების ფაქტი არ შეაჩერებს სამომავლოდ დაგეგმილ ნაბიჯებს:

„ჩემო დებო და ძმებო, მე თქვენ მიყვარხართ. დღევანდელი ფაქტი ვერ შეგვაჩერებს გადავდგათ ნაბიჯები შერიგების გზაზე. ჩვენ უახლოეს ხანში კიდევ გვაქვს დაგეგმილი ნაბიჯები, რაც სიხარულს მოუტანს აფხაზებს, სიხარულს მოუტანს ქართველებს, სიხარულს მოუტანს ოსებს. ვერ გაგვაჩერებს ჩვენ თხუთმეტიოდე სააკაშვილ-ბოკერია-ხოშტარია“, - განაცხადა ირმა ინაშვილმა.

ენგურის ხიდთან იმყოფებიან სასულიერო პირებიც. მღვდელმა ფრიდონ ასათიანმა ჟურნალისტებს უთხრა, რომ ზუგდიდისა და ცაიშის მიტროპოლიტის, მეუფე გერასიმეს ლოცვა-კურთხევით მივიდნენ. მანვე თქვა, რომ ჯერ არ აქვს ინფორმაცია სად განთავსდება აფხაზების მობრუნებული ხატი.

აფხაზებმა „პატრიოტთა ალიანსის“ მიერ ილორის ტაძარში ჩატანილი ხატი საოკუპაციო ხაზთან 5 სექტემბერს მოიტანეს და ენგურის ხიდთან დატოვეს.

აფხაზეთის ვეტერანთა ორგანიზაცია „არუაას“ წარმომადგენლებმა მანამდე განცხადებაც გააკეთეს, სადაც ნათქვამია, რომ ხატს ე.წ. საბაჟო გამშვებ-პუნქტზე დატოვებდნენ, სანამ „ქართული მხარე“ არ იზრუნებდა მის უკან დაბრუნებაზე.

„პატრიოტთა ალიანსის“ წევრების აფხაზეთში ვიზიტის შესახებ ცნობა „მთავარი არხით“ 20 აგვისტოს გავრცელდა, რაც 24 აგვისტოს პრესკონფერენციაზე დაადასტურა პარტიის ლიდერმა ირმა ინაშვილმა. მისი სიტყვებით, ოკუპირებულ რეგიონში საპარლამენტო ფრაქციის თავმჯდომარესთან, გიორგი ლომიასთან ერთად იმყოფებოდა და საჩუქრად ჩაიტანა ღვთისმშობლის ხატი ილორის ტაძარში.

"ამ ხატზე მოწყალე ღვთისმშობელია გამოსახული, რომელსაც გვერდს უმშვენებენ წმინდა ევსტათი პლაკიდა და წმინდა ევსტათი აფსილი - აფხაზთ მფარველი, - განაცხადა ბრიფინგზე ირმა ინაშვილმა.

მისი აფხაზეთში ვიზიტი უფრო ადრე, ე.წ. პრეზიდენტის უკვე ყოფილმა მრჩეველმა ლაშა საქანიამ დაადასტურა. სწორედ ამ ვიზიტის გამო, ომის ვეტერანთა ორგანიზაციამ "არუაამ" საქანიას სამსახურიდან გათავისუფლება მოითხოვა.

დე ფაქტო უსაფრთხოების სამსახურის ხელმძღვანელის სერგეი შამბას თქმით, ასლან ბჟანიამ განაცხადა, რომ ის "საქმის კურსში იყო" თავისი თანაშემწის ლაშა საქანიას ქმედებების შესახებ. ლაშა საქანიამ თანამდებობა 26 აგვისტოს დატოვა.
Print E-mail
Twitter
სხვა მასალები
ჰომოფობიურმა ჯგუფებმა ევროკავშირის და ნატოს დროშები დაწვეს. ისინი
მსვლელობით მივიდნენ ევროკავშირის ოფისთან,
18:02 / 02.07.2022
ჰომოფობიურმა ჯგუფებმა ევროკავშირის და ნატოს დროშები დაწვეს. ისინი მსვლელობით მივიდნენ ევროკავშირის ოფისთან,
შინაგან საქმეთა სამინისტრო განცხადებას ავრცელებს დღეს, 2 ივლისს,
თბილისში,
13:56 / 02.07.2022
შინაგან საქმეთა სამინისტრო განცხადებას ავრცელებს დღეს, 2 ივლისს, თბილისში,
მესტიისა და ზემო სავანეთის ეპარქია განცხადებას ავრცელებს დღეს, 2
ივლისს დაგეგმილ
13:38 / 02.07.2022
მესტიისა და ზემო სავანეთის ეპარქია განცხადებას ავრცელებს დღეს, 2 ივლისს დაგეგმილ
თბილისის დროით 12:28 საათზე, საქართველოში მიწისძვრა მოხდა.
13:11 / 02.07.2022
თბილისის დროით 12:28 საათზე, საქართველოში მიწისძვრა მოხდა.
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.