მან ხელი გაარტყა მერაბ კოსტავას - რამდენიმე მოქალაქე ზუგდიდში ხაზარაძეს დაუპირისპირდა
დადიანების ეზოში დღეს გამართულ „ლელოს“ საარჩევნო შეხვედრაზე
დაპირისპირება მოხდა. ეროვნული მოძრაობის წევრები პოლიტიკური
გაერთიანების ლიდერებთან პრეტენზიებით მივიდნენ. ერთ-ერთი მათგანის
დალი ლატარიას განცხადებით, „ლელოს“ ლიდერი მამუკა ხაზარაძე წლების
წინ უპირისპირდებოდა ეროვნულ მოძრაობას, რასაც ვერ პატიობენ:
„ის ხელს უშლიდა ახალდაბადებულ ეროვნულ მოძრაობას. გადავიდა კიტოვანის მხარეს და არბევდა სამეგრელოს და ეროვნული მოძრაობის ხალხს“, - უთხრა ჟურნალისტებს დალი ლატარიამ. მანვე აღნიშნა, რომ გარდა ამ ფაქტისა პრეტენზიები აქვთ მამუკა ხაზარაძესთან, როგორც თიბისი ბანკის დამფუძნებელთან.
აქციის მონაწილის განმარტებით, მან უკანონოდ მიითვისა მოქალაქეების ანაბრები. მასთან ერთად მამუკა ხაზარაძისთვის, როგორც თავად ირწმუნება კითხვის დასმის მიზნით იყო მისული მერიის ააიპ "ბიბლიოთეკების მართვის ცენტრის" დირექტორი მადონა მაქაცარია.
„გვინდა მხოლოდდამხოლოდ ერთი კითხვა დავუსვათ, მეტი კი არაფერი - რა აზრის არის ეროვნულ მოძრაობაზე 80-იანი წლებიდან დღემდე, რომ შენარჩუნებულია და რა წარმოდგენა ჰქონდა მის ხელმძღვანელებზე. უფრო კონკრეტულად კი მერაბ კოსტავაზე. ის პირდაპირ უპირისპირდებოდა, ახალგაზრდა ასაკში ხელიც კი გაარტყა მას ფილარმონიის წინ მიტინგზე, შეურაცხყო და ჩვენ ამას ვერ ვპატიობთ“, - განაცხადა მადონა მაქაცარიამ.
შეკითხვაზე, არის თუ არა მერიის ააიპ-ის თანამშრომელი, თქვა რომ სამუშაო დროის დასრულების, 6:00 საათის შემდეგ არ არის "ბიბლიოთეკების მართვის ცენტრის" დირექტორი.
თავად მამუკა ხაზარაძის განცხადებით, „ლელოს“ „რუსმა ოლიგარქმა, ბიძინა ივანიშვილმა“ მიზანმიმართულად მიუგზავნა ააიპ-ის თანამშრომლები, რათა ცრუ ბრალდებებით, რაც ბოლო თვეების განმავლობაში გააძლიერეს, პროვოკაცია მოეწყოთ.
მამუკა ხაზარაძის სიტყვებით, პარტია „ქართული ოცნების“ დამფუძნებელ ბიძინა ივანიშვილს ძალიან ეშინია „ლელოს“ სიძლიერის:
„მე მოვუწოდებ ხელისუფლებას, შეეშვით შანტაჟს, შეეშვით ჩვენი, „ლელოს“ წევრებზე თავდასხმას და ეს უკვე რამდენიმე ადგილზე მოხდა“, - განაცხადა მამუკა ხაზარაძემ.
ზუგდიდში "ლელომ" ოფიციალურად წარადგინა მაჟორიტარი დეპუტატობის კანდიდატი ალექსანდრე ახვლედიანი. დადიანების სასახლის ეზოში შეკრებილ მხარდამჭერებს პარტიის ლიდერებმა მიმართეს. მამუკა ხაზარაძის განცხადებით, დღეს ქვეყანაში გარდამტეხი მომენტია - საქართველო დგას გზაჯვარედინზე და მნიშვნელოვანია ეს კურსი იყოს ევროპული.
„ის ხელს უშლიდა ახალდაბადებულ ეროვნულ მოძრაობას. გადავიდა კიტოვანის მხარეს და არბევდა სამეგრელოს და ეროვნული მოძრაობის ხალხს“, - უთხრა ჟურნალისტებს დალი ლატარიამ. მანვე აღნიშნა, რომ გარდა ამ ფაქტისა პრეტენზიები აქვთ მამუკა ხაზარაძესთან, როგორც თიბისი ბანკის დამფუძნებელთან.
აქციის მონაწილის განმარტებით, მან უკანონოდ მიითვისა მოქალაქეების ანაბრები. მასთან ერთად მამუკა ხაზარაძისთვის, როგორც თავად ირწმუნება კითხვის დასმის მიზნით იყო მისული მერიის ააიპ "ბიბლიოთეკების მართვის ცენტრის" დირექტორი მადონა მაქაცარია.
„გვინდა მხოლოდდამხოლოდ ერთი კითხვა დავუსვათ, მეტი კი არაფერი - რა აზრის არის ეროვნულ მოძრაობაზე 80-იანი წლებიდან დღემდე, რომ შენარჩუნებულია და რა წარმოდგენა ჰქონდა მის ხელმძღვანელებზე. უფრო კონკრეტულად კი მერაბ კოსტავაზე. ის პირდაპირ უპირისპირდებოდა, ახალგაზრდა ასაკში ხელიც კი გაარტყა მას ფილარმონიის წინ მიტინგზე, შეურაცხყო და ჩვენ ამას ვერ ვპატიობთ“, - განაცხადა მადონა მაქაცარიამ.
შეკითხვაზე, არის თუ არა მერიის ააიპ-ის თანამშრომელი, თქვა რომ სამუშაო დროის დასრულების, 6:00 საათის შემდეგ არ არის "ბიბლიოთეკების მართვის ცენტრის" დირექტორი.
თავად მამუკა ხაზარაძის განცხადებით, „ლელოს“ „რუსმა ოლიგარქმა, ბიძინა ივანიშვილმა“ მიზანმიმართულად მიუგზავნა ააიპ-ის თანამშრომლები, რათა ცრუ ბრალდებებით, რაც ბოლო თვეების განმავლობაში გააძლიერეს, პროვოკაცია მოეწყოთ.
მამუკა ხაზარაძის სიტყვებით, პარტია „ქართული ოცნების“ დამფუძნებელ ბიძინა ივანიშვილს ძალიან ეშინია „ლელოს“ სიძლიერის:
„მე მოვუწოდებ ხელისუფლებას, შეეშვით შანტაჟს, შეეშვით ჩვენი, „ლელოს“ წევრებზე თავდასხმას და ეს უკვე რამდენიმე ადგილზე მოხდა“, - განაცხადა მამუკა ხაზარაძემ.
ზუგდიდში "ლელომ" ოფიციალურად წარადგინა მაჟორიტარი დეპუტატობის კანდიდატი ალექსანდრე ახვლედიანი. დადიანების სასახლის ეზოში შეკრებილ მხარდამჭერებს პარტიის ლიდერებმა მიმართეს. მამუკა ხაზარაძის განცხადებით, დღეს ქვეყანაში გარდამტეხი მომენტია - საქართველო დგას გზაჯვარედინზე და მნიშვნელოვანია ეს კურსი იყოს ევროპული.