ბაკურ სორდიას ქუთაისის სასამართლომ სასჯელი დაუმძიმა
ქუთაისის სააპელაციო სასამართლომ ზუგდიდის
სოფელ შამგონას მკვიდრი ბაკურ სორდია დამნაშავედ ცნო ცოლის
თვითმკვლელობამდე მიყვანაში. 2020 წლის მაისში ზუგდიდის სასამართლოს
მიერ ცოლის მიმართ ძალადობრივი ქმედებებისთვის გასამართლებულს სასჯელი
კიდევ ერთი წლით დაუმძიმდა. მას 4 წლით თავისუფლების აღკვეთა მიესაჯა.
გარდაცვლილი ქალის ოჯახი და უფლებადემცველი თვლიან, რომ ამჯერად მეორე
ინსტანციამ სამართლიანი განაჩენი გამოიტანა.
ბაკურ სორდია, რომელიც ცოლის მიმართ ძალადობის (126-ე მუხლი) და თვითმკვლელობამდე მიყვანის (115-ე მუხლი) ბრალდებით იყო დაკავებული, ზუგდიდის სასამართლომ დამნაშავედ ცნო მხოლოდ ერთი მუხლით. ბოლო სხდომაზე მისი საქმე გადაკვალიფიცირდა და დაკავებულს 3 წლით თავისუფლების აღკვეთა მიესაჯა საქართველოს სისხლის სამართლის კოდექსის 126-ე მუხლის მეორე ნაწილით, რაც გულისხმობს, ოჯახის წევრზე სისტემატიურ ძალაობას დამამძიმებელ გარემოებებში.
გადაწყვეტილება პროკურატურამ გაასაჩივრა, რასაც გარდაცვლილის ოჯახიც ითხოვდა. ოჯახის უფლებებს ორგანიზაცია "საფარის" იურისტის, ელისო რუხაძე იცავდა. ოჯახის მოთხოვნა იყო, ბაკურ სორდიას თვითმკვლელობამდე მიყვანის მუხლით გასამართლება, რაც დღეს ქუთაისის სააპელაციო სასამართლოს მოსამართლე მაკა გორგოძემ დააკმაყოფილა.
"საქმეს გასაჩივრების შემდეგ სწორი სამართლებრივი შეფასება მიეცა. პირველი ინსტანციით ძალიან ცუდი განაჩენი დადგა, ვინაიდან პირველმა ინსტანციამ პრაქტიკულად თქვა, რომ საფუძვლის გარეშე მოიკლა თავი. ამჯერად კი მოსამართლემ თქვა, რომ მოძალადის მძიმე ძალადობრივი ქმედებების შედეგად მოხდა თვითმკვლელობა. ანუ საქმე გადაკვალიფიცირდა თვითმკვლელობამდე მიყვანის (115-ე) მუხლზე და დაუმძიმდა სასჯელი, რაც ძალიან მნიშვნელოვანია. მნიშვნელოვანია ასეთი პრაქტიკა, რადგან გარდაცვლილის საქმეებზე ფაქტიურად გამამართლებელი განაჩენი იდება ხშირად. ეს ძალიან მნიშვნელოვანი იყო ოჯახისთვისაც და ჩვენთვისაც, როგორც უფლებადამცველისთვის და ქალისთვის, რადგან სიკვდილი განაპირობა სწორედ ძალადობრივმა ქმედებებმა", - განუცხადა "ლაივპრესს" დაზარალებულის ოჯახის უფლებადამცველმა, ორგანიზაცია "საფარის" იურისტმა ელისო რუხაძემ.
35 წლის ეკა მიქავა 2019 წლის 28 დეკემბერს მეზობლის, ზუგდიდის საკრებულოს წევრის ზაზა ხუბუას ბოსელში იპოვეს ჩამომხრჩვალი. საქმეზე მეორე დღესვე მისი ქმარი ბაკურ სორდია დააკავეს.
მას ბრალი საქართველოს სისხლის სამართლის კოდექსის 126-ე პრიმა მუხლის და 115-ე მუხლის 1-ლი ნაწილებით წარუდგინეს, რაც ოჯახში ძალადობას და თვითმკვლელობამდე მიყვანას გულისხმობს.
გამოძიებით უკმაყოფილო იყო გარდაცვლილი ქალის ოჯახი. დედის და ძმის განცხადებით, ეს იყო მკვლელობა. მათი მტკიცებით, ქმარმა ჯერ მოკლა და შემდეგ ზაზა ხუბუას დახმარებით ქალი თოკით ჩამოკიდა, რასაც ბრალდებული და თავად ხუბუაც უარყოფდნენ.
ბაკურ სორდია, რომელიც ცოლის მიმართ ძალადობის (126-ე მუხლი) და თვითმკვლელობამდე მიყვანის (115-ე მუხლი) ბრალდებით იყო დაკავებული, ზუგდიდის სასამართლომ დამნაშავედ ცნო მხოლოდ ერთი მუხლით. ბოლო სხდომაზე მისი საქმე გადაკვალიფიცირდა და დაკავებულს 3 წლით თავისუფლების აღკვეთა მიესაჯა საქართველოს სისხლის სამართლის კოდექსის 126-ე მუხლის მეორე ნაწილით, რაც გულისხმობს, ოჯახის წევრზე სისტემატიურ ძალაობას დამამძიმებელ გარემოებებში.
გადაწყვეტილება პროკურატურამ გაასაჩივრა, რასაც გარდაცვლილის ოჯახიც ითხოვდა. ოჯახის უფლებებს ორგანიზაცია "საფარის" იურისტის, ელისო რუხაძე იცავდა. ოჯახის მოთხოვნა იყო, ბაკურ სორდიას თვითმკვლელობამდე მიყვანის მუხლით გასამართლება, რაც დღეს ქუთაისის სააპელაციო სასამართლოს მოსამართლე მაკა გორგოძემ დააკმაყოფილა.
"საქმეს გასაჩივრების შემდეგ სწორი სამართლებრივი შეფასება მიეცა. პირველი ინსტანციით ძალიან ცუდი განაჩენი დადგა, ვინაიდან პირველმა ინსტანციამ პრაქტიკულად თქვა, რომ საფუძვლის გარეშე მოიკლა თავი. ამჯერად კი მოსამართლემ თქვა, რომ მოძალადის მძიმე ძალადობრივი ქმედებების შედეგად მოხდა თვითმკვლელობა. ანუ საქმე გადაკვალიფიცირდა თვითმკვლელობამდე მიყვანის (115-ე) მუხლზე და დაუმძიმდა სასჯელი, რაც ძალიან მნიშვნელოვანია. მნიშვნელოვანია ასეთი პრაქტიკა, რადგან გარდაცვლილის საქმეებზე ფაქტიურად გამამართლებელი განაჩენი იდება ხშირად. ეს ძალიან მნიშვნელოვანი იყო ოჯახისთვისაც და ჩვენთვისაც, როგორც უფლებადამცველისთვის და ქალისთვის, რადგან სიკვდილი განაპირობა სწორედ ძალადობრივმა ქმედებებმა", - განუცხადა "ლაივპრესს" დაზარალებულის ოჯახის უფლებადამცველმა, ორგანიზაცია "საფარის" იურისტმა ელისო რუხაძემ.
35 წლის ეკა მიქავა 2019 წლის 28 დეკემბერს მეზობლის, ზუგდიდის საკრებულოს წევრის ზაზა ხუბუას ბოსელში იპოვეს ჩამომხრჩვალი. საქმეზე მეორე დღესვე მისი ქმარი ბაკურ სორდია დააკავეს.
მას ბრალი საქართველოს სისხლის სამართლის კოდექსის 126-ე პრიმა მუხლის და 115-ე მუხლის 1-ლი ნაწილებით წარუდგინეს, რაც ოჯახში ძალადობას და თვითმკვლელობამდე მიყვანას გულისხმობს.
გამოძიებით უკმაყოფილო იყო გარდაცვლილი ქალის ოჯახი. დედის და ძმის განცხადებით, ეს იყო მკვლელობა. მათი მტკიცებით, ქმარმა ჯერ მოკლა და შემდეგ ზაზა ხუბუას დახმარებით ქალი თოკით ჩამოკიდა, რასაც ბრალდებული და თავად ხუბუაც უარყოფდნენ.