ბანკები მზად არიან, საოჯახო სასტუმროების მეპატრონეებისთვის სასესხო შეღავათები განიხილონ - თურნავა
ბანკებმა გამოთქვეს მზადყოფნა, ტურიზმის
სექტორისთვის სესხების რესტრუქტურიზაციის საკითხი კიდევ ერთხელ
განიხილონ, - განუცხადა ჟურნალისტებს ეკონომიკის მინისტრმა ნათია
თურნავამ, მთავრობის სხდომის დასრულების შემდეგ გამართულ ბრიფინგზე.
მისი თქმით, მიუხედავად იმისა, რომ ადგილობრივი ტურიზმის დაშვება
გარკვეული შვება იყო ტურიზმისთვის, ამ სფეროში, განსაკუთრებით საოჯახო
სასტუმროების ბიზნესის ჭრილში პრობლემები კვლავ რჩება. პარალელურად კი
გრძელდება პანდემიაც.
"გვესმის, რომ მათ აქვთ პრობლემები, განსაკუთრებით რეგიონებში. გუშინ მე და ჩემს კოლეგებს გვქონდა ონლაინ შეხვედრა წამყვან ბანკებთან და მათი მაღალი რანგის მენეჯმენტთან. ვისაუბრეთ იმ შესაძლებლობაზე, რომ კიდევ ერთხელ მოხდეს სესხების რესტრუქტურიზაცია ტურიზმის სექტორისთვის და მცირე სასტუმროებისთვის. მოხარული ვარ, რომ ბანკებმა გამოთქვეს მზადყოფნა. რა თქმა უნდა, თითოეული კონკრეტული შემთხვევის გათვალისწინებით, რადგან იქ არის სხვადასხვა გარემოება, რაც მნიშვნელოვანია ბანკისთვის", - განმარტა მინისტრმა.
მისივე თქმით, მთლიანობაში არის მზადყოფნა, სასტუმროების მიმართვის შემთხვევაში, ბანკებმა კვლავ განიხილონ სესხების რესტრუქტურიზაციის საკითხი.
ტურიზმი ის სფეროა, რომელიც კორონავირუსის პანდემიამ მნშვნელოვნად აზარალა. მესტიაში ადგილობრივი საოჯახო სასტუმროების მეპატრონეებმა რამდენჯერმე გამართეს საპროტესტო აქცია, სესხების გადავადების მოთხოვნით. იგივე მოთხოვნით შეიკრიბნენ მოქალაქეები აჭარაშიც.
"გვესმის, რომ მათ აქვთ პრობლემები, განსაკუთრებით რეგიონებში. გუშინ მე და ჩემს კოლეგებს გვქონდა ონლაინ შეხვედრა წამყვან ბანკებთან და მათი მაღალი რანგის მენეჯმენტთან. ვისაუბრეთ იმ შესაძლებლობაზე, რომ კიდევ ერთხელ მოხდეს სესხების რესტრუქტურიზაცია ტურიზმის სექტორისთვის და მცირე სასტუმროებისთვის. მოხარული ვარ, რომ ბანკებმა გამოთქვეს მზადყოფნა. რა თქმა უნდა, თითოეული კონკრეტული შემთხვევის გათვალისწინებით, რადგან იქ არის სხვადასხვა გარემოება, რაც მნიშვნელოვანია ბანკისთვის", - განმარტა მინისტრმა.
მისივე თქმით, მთლიანობაში არის მზადყოფნა, სასტუმროების მიმართვის შემთხვევაში, ბანკებმა კვლავ განიხილონ სესხების რესტრუქტურიზაციის საკითხი.
ტურიზმი ის სფეროა, რომელიც კორონავირუსის პანდემიამ მნშვნელოვნად აზარალა. მესტიაში ადგილობრივი საოჯახო სასტუმროების მეპატრონეებმა რამდენჯერმე გამართეს საპროტესტო აქცია, სესხების გადავადების მოთხოვნით. იგივე მოთხოვნით შეიკრიბნენ მოქალაქეები აჭარაშიც.