14-15 დეკემბერს დასავლეთ საქართველოში, მათ შორის სამეგრელოში, უნალექო ამინდი და 18-20 გრადუსი სითბო შენარჩუნდება. ზოგიერთ რაიონში დღეს, დღის ბოლომდე იქროლებს აღმოსვლეთის ძლიერი ქარი, ხვალ კი შესუსტდება.

გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ "ლაივპრესს" უთხრა, რომ უკვე 16 დეკმბრიდან არამდგრადი ამინდია მოსალოდნელი. 16-17 დეკემბრს უმეტეს რაიონში იწვიმებს. მაღალ მთაში მოთოვს. დაბლობში ჰაერის ტემპერატურა დაიკლებს 10-დან 12 გრადუსამდე. მაღალმთიან რაიონებში კი ჰაერის მაქსიმალური ტემპერატურა 0+5 გრადუსი იქნება.

"არამდგრადი ამინდი შენარჩუნდება 22 დეკემბრამდე. დღის მაქსიმალური ტემპერატურა დაბლობში იქნება 8-10 გრადუსი, ღამით 3-5 გრადუსი სითბო. მთიან და მაღალმთიან რაიონებში შაბათ-კვირას -3, -5 გრადუსი ყინვაა მოსალოდნელი. მაღალმთიან რაიონებში -10,-12 გრადუსი ყინვაც შეიძლება დაფიქსირდეს ღამით", - გვითხრა გარემოს ეროვნული სააგენტოს წარმომადგენელმა.