რუხის საავადმოფოში გარდაცვლილი 32 წლის მამაკაცის ოჯახი მედპერსონალს უყურადღებობასა და გულგრილობაში ადანაშაულებს. ოჯახის წევრები ჟურნალისტებთან საუბარში აცხადებენ, რომ სათანადო მკურნალობის შემთხვევაში ახალგარდა მამაკაცი გამოჯანმრთელდებოდა. მათივე ცნობით, პაციენტს ქრონიკული დაავადებები არ ჰქონდა.

პაციენტი რუხის კლინიკაში 18 დეკემბერს გამთენიისას გარდაიცვალა. მანამდე ის ქობულეთში, კოვიდ სასტუმროში იმყოფებოდა. ოჯახი აცხადებს, რომ თავდაპირველად ახალგაზრდა მამაკაცის ჯანმრთელობის მდგომარეობა დამძიმდა სასტუმროში სადაც მას საჭირო მედიკამენტებს არ აწვდიდნენ.

"კოვიდსასტუმროში დაწვეს სიცხისგან. 40-ზე მაღალი ჰქონდა სიცხე და ერთი ტაბლეტი წამალი მომცესო არ მიგდებს სიცხეს და ვეხვეწები ექიმებს, რომ მეორეც დამიმატონო. სათანადო ყურადღება რომ მიექციათ დღეს ცოცხალი იქნებოდა", - უთხრა ჟურნალისტებს გარდაცვლილის ოჯახის წევრმა.

კოვიდსასტუმროში ოჯახის ბრალდებებს უარყოფენ და აცხადებენ, რომ მათთან ყოფნის პერიოდში პაციენტის მდგომარეობა იყო დამაკმაყოფილებელი. რუხის საავადმყოფოში კი მომხდარზე ამ ეტაპზე კომენტარს არ აკეთებენ.

გასული დღე-ღამის განმავლობაში სამეგრელო-ზემო სვანეთში კორონავირუსით 4 ადამიანი გარდაიცვალა. სამეგრელოს კოვიდ კლინიკებში მკურნალობს 297 მოქალაქე. მათ შორის 27-ის მდგომარეობა მძიმეა.

18 დეკემბრის მონაცემებით, რეგინოში 199 ადამიანს დაუდასტურდა კორონავირუსი, ხოლო გამოჯანმრთელდა 295 პაციენტი