რუსულმა ვაქცინამ "სპუტნიკმა", რომლის მიმართაც ბევრი კითხვის ნიშნები არსებობს, ევროპაში დაკარგა ერთადერთი გულშემატკივარი - უნგრეთი. ბიბისი წერს, რომ უნგრეთის პრემიერმა, ვიქტორ ორბანმა ყველაზე რეალურ შესაძლებლობად კორონავირუსთან ბრძოლაში, ჩინეთში წარმოებული ვაქცინა მიიჩნია.

ორბანი მანამდე ეწინააღმდეგებოდა რა ბრიუსელს იმის გამო, რომ არ სურდა ვაქცინაციის "აღმოსავლეთის მიმართულების" განვითარება, თავისი ექსპერტები გაგზავნა რუსეთსა და ჩინეთში, ამ მიმართულებით მათი მიღწევების შესასწავლად. კვირას მან თავისი დასკვნები გაუზიარა უნგრეთის ეროვნულ რადიოს.

"ჩინური (ვაქცინა) უფრო იმედისმომცემად გამოიყურება. როგორც ჩანს, ის უფრო მალე და უფრო დიდი რაოდენობით იქნება ხელმისაწვდომი. იდეალურ შემთხვევაში, თქვენ გექნებათ არჩევანი დასავლურ და ჩინურ ვაქცინებს შორის, თუ გსურთ ვაქცინაცია ", - განაცხადა უნგრეთის პრემიერმა.

ცნობისთვის, რუსეთსა და ჩინეთში წარმოებული ვაქცინები ჯერ არ დაუმტკიცებია ევროპის სამედიცინო სააგენტოს ევროკავშირში გამოყენებისთვის