ენგურჰესის სადერივაციო გვირაბში სარეკონსტრუქციო სამუშაოები დაიწყო, - ამის შესახებ ინფორმაციას ენგურჰესის ადმინისტრაცია ავრცელებს.

მას ტენდერში გამარჯვებული კომპანია "ენერგონი" ახორციელებს.

ენგურჰესი 20 იანვარს გაჩერდა.

"გათვალისწინებულია სამუშაოები გვირაბის მთლიანი სიგრძის დაახლოებით 2,5 კმ-ზე. ჰესი უნდა ჩაირთოს ქსელში არაუგვიანეს 1-ლი მაისისა და დაიწყოს ელექტროენერგიის გამომუშავება. ყველანაირი ტექნიკა, სამშენებლო მასალები, სამუშაო ძალა, ხალხი მობილიზებულია. ვფიქრობთ, რომ ამ სამუშაოებს თავს გავართმევთ ყოველგვარი შეფერხებისა და დაბრკოლების გარეშე", - განაცხადა ენგურჰესის დირექტორმა ლევან მებონიამ.

ჰესის რეკონსტრუქცია 1 მაისს უნდა დასრულდეს.