„მა სი მიორქ, მა ხოლო“ - თვითმასწავლებელი მეგრული ენით დაინტერესებულებისთვის
მათ, ვისაც მეგრული ენის შესწავლა სურს, თუმცა არ იცის
ეს როგორ მოახერხოს, თვითმასწავლებელი წიგნი დაეხმარება. "ვისწავლოთ
მეგრული - მა სი მიორქ, მა ხოლო" (მე შენ მიყვარხარ, მეც) -
ვკითხულობთ სახელმძღვანელოს გარეკანზე, რომელზეც დადიანების სასახლე
და ანაკლია-განმუხურის საფეხმავლო ხიდია გამოსახული. წიგნი თანდართულ
აუდიოვერსიასთან ერთად, დაინტერესებული მკითხველებისთვის
ხელმისაწვდომი დაახლოებით ერთ თვეში იქნება. ის ნაწილია გამომცემლობა
"არტანუჯის" პროექტის - "ქართველური ენები", რომლის მიზანიც გაქრობის
წინაშე მდგომი მეგრულ-სვანურ ლაზური ენების პოპულარიზება და ამ ენბზე
საზოგადოების ამეტყველებაა.
გამომცემლის და ისტორიკოსის, ბუბა კუდავას თქმით, დღემდე ერთადერთ რესურსს მათთვის, ვისაც მეგრულის სწავლა სურს, ამ ენის მცოდნე ადამიანთან ურთიერთობა და კომუნიკაცია წარმოადგენს. ეს ერთ-ერთი მიზეზია იმის, თუ რატომ გადაწყვიტა ხელი მოეკიდა თვითმასწავლებელი წიგნის გამოცემისთვის.
მეორე საბაბია საფრთხე და ტენდენცია, ქართველურ ენებზე მოსაუბრე მოქალაქეების რაოდენობის შემცირებების. განსაკუთრებით ეს ახალგაზრდა თაობაში ვლინდება, რომელიც ფაქტობრივად აღარ ლაპარაკობს ამ ენებზე. ბუბა კუდავა ამბობს, რომ საშუალოდ მსოფლიოში, კვირაში ერთი ენა ქრება მსგავსი დამოკიდებულებების შედეგად. იგივე ბედს გაიზიარებს მეგრულ-სვანურ-ლაზური ენებიც უახლოეს 50 წელიწადში, თუკი ეს ტენდენცია შეუქცევადი გახდა. ამ წიგნის მეშვეობით, გამომცელის განმარტებით, სურთ ერთგვარად გამოაფხიზლონ საზოგადოების ის ნაწილი, ვინც საშიშროებას რეალურად ვერ აღიქვამს.
"ქართველურ ენებს ზოგიერთი აგდებით უყურებს. ზოგი ფიქრობს, რომ მშობლები განზრახ არ ასწავლიან შვილებს ამ ენებს, რადგან თვლიან, რომ ერთის მხრივ ცხოვრებაში ხელი შეეშლებათ და მეორეს მხრივ, შესაძლოა ვინმემ დასცინოს. ჯერ ერთი, არანაირად არ შეეშლებათ ხელი, პირიქით, უფრო მდიდარი თვალსაწიერი ექნება ბავშვს, როცა კარგად ეცოდინება სალიტერატურო ქართული და მშობლიური მეგრული ან სვანურიც", - უთხრა გამომცემელმა "ლაივპრესს".
ბუბა კუდავას თქმით, ქართველები მდიდარი კულტურის და ისტორიის ხალხი ვართ, რისი ერთ-ერთი გამოხატულებაც ქართველური ენებია. თუ გავაერთფეროვნებთ ერთმანეთს, მაშინ რაღა სიმდიდრეა, ხომ? - შენიშნავს ის.
მეგრული ენის თვითმასწავლებელი ენათმეცნიერმა ნათია ფონიავამ შეადგინა თანამედროვე სტანდარტების შესაბამისად. გამომცემლის განმარტებით, ვინც ამ წიგნს გაეცნობა პარაგრაფების მიხედვით, ექნება საშუალება, შესაძლოა არა სრულფასოვნად, მაგრამ საკმაოდ კარგად შეისწავლოს ენა.
აქ წარმოდგენილი იქნება როგორც გრამატიკული ნაწილი, ისე დილოგები თარგმანთან ერთად. ასევ ფრაზები, გამოთქმები და ლექსები. სახელმძღვანელოს დაერთვება შესაბამისი აუდიო ვერსიაც.
"ერთია სწორად და გრამატიკულად ვისწავლოთ, მაგრამ მეორეა გამოთქმა, თუ როგორ ჟღერს, გამოითქმის ესა თუ ის ფრაზა, წინადადება. ამიტომ, აუდიოვერსიას დიდი მნიშვნელობა აქვს. მათ შორის პრაქტიკული დანიშნულებაც.ზოგიერთ ადამიანს უდროობის გამო უჭირს წიგნის მოხმარება, ან ხშირად ატარებს დრო საჭესთან, ბევრს მოგზაურობს. ამიტომაც, ეს მათთვის მოსახერხებელი იქნება", - ამბობს ბუბა კუდავა და დასძენს, რომ აუდიოვერსია "საზოგადოებრივი მაუწყებლის" მხარდაჭერით მომზადდა, რომელსაც ენათმეცნიერი ნათია ფონიავა და "მარგალურ ნინაშ ასოციაციაშ" (მეგრული ენის ასოციაციის) დამფუძნებელი გივი ქარჩავა ახმოვანებენ.
წიგნი გათვლილია არამხოლოდ სამეგრელოს რეგიონის მცხოვრებლებზე, არამედ ქვეყნის დანარჩენ მოსახლეობაზეც, ვინც კი ქართველური ენების შესწავლით დაინტერესდება.
ფაქტობრივად მზად არის სვანური ენის სახელმძღვანელოც, რომელიც მიმდინარე წელს გამოიცემა. უკვე ამის შემდეგ ლაზური ენის თვითმასწავლებელზეც დაიწყება მუშაობა. მათი შეძენა წიგნის ნებისმიერ მაღაზიაში იქნება შესაძლებელი.
გამომცემლის და ისტორიკოსის, ბუბა კუდავას თქმით, დღემდე ერთადერთ რესურსს მათთვის, ვისაც მეგრულის სწავლა სურს, ამ ენის მცოდნე ადამიანთან ურთიერთობა და კომუნიკაცია წარმოადგენს. ეს ერთ-ერთი მიზეზია იმის, თუ რატომ გადაწყვიტა ხელი მოეკიდა თვითმასწავლებელი წიგნის გამოცემისთვის.
მეორე საბაბია საფრთხე და ტენდენცია, ქართველურ ენებზე მოსაუბრე მოქალაქეების რაოდენობის შემცირებების. განსაკუთრებით ეს ახალგაზრდა თაობაში ვლინდება, რომელიც ფაქტობრივად აღარ ლაპარაკობს ამ ენებზე. ბუბა კუდავა ამბობს, რომ საშუალოდ მსოფლიოში, კვირაში ერთი ენა ქრება მსგავსი დამოკიდებულებების შედეგად. იგივე ბედს გაიზიარებს მეგრულ-სვანურ-ლაზური ენებიც უახლოეს 50 წელიწადში, თუკი ეს ტენდენცია შეუქცევადი გახდა. ამ წიგნის მეშვეობით, გამომცელის განმარტებით, სურთ ერთგვარად გამოაფხიზლონ საზოგადოების ის ნაწილი, ვინც საშიშროებას რეალურად ვერ აღიქვამს.
"ქართველურ ენებს ზოგიერთი აგდებით უყურებს. ზოგი ფიქრობს, რომ მშობლები განზრახ არ ასწავლიან შვილებს ამ ენებს, რადგან თვლიან, რომ ერთის მხრივ ცხოვრებაში ხელი შეეშლებათ და მეორეს მხრივ, შესაძლოა ვინმემ დასცინოს. ჯერ ერთი, არანაირად არ შეეშლებათ ხელი, პირიქით, უფრო მდიდარი თვალსაწიერი ექნება ბავშვს, როცა კარგად ეცოდინება სალიტერატურო ქართული და მშობლიური მეგრული ან სვანურიც", - უთხრა გამომცემელმა "ლაივპრესს".
ბუბა კუდავას თქმით, ქართველები მდიდარი კულტურის და ისტორიის ხალხი ვართ, რისი ერთ-ერთი გამოხატულებაც ქართველური ენებია. თუ გავაერთფეროვნებთ ერთმანეთს, მაშინ რაღა სიმდიდრეა, ხომ? - შენიშნავს ის.
მეგრული ენის თვითმასწავლებელი ენათმეცნიერმა ნათია ფონიავამ შეადგინა თანამედროვე სტანდარტების შესაბამისად. გამომცემლის განმარტებით, ვინც ამ წიგნს გაეცნობა პარაგრაფების მიხედვით, ექნება საშუალება, შესაძლოა არა სრულფასოვნად, მაგრამ საკმაოდ კარგად შეისწავლოს ენა.
აქ წარმოდგენილი იქნება როგორც გრამატიკული ნაწილი, ისე დილოგები თარგმანთან ერთად. ასევ ფრაზები, გამოთქმები და ლექსები. სახელმძღვანელოს დაერთვება შესაბამისი აუდიო ვერსიაც.
"ერთია სწორად და გრამატიკულად ვისწავლოთ, მაგრამ მეორეა გამოთქმა, თუ როგორ ჟღერს, გამოითქმის ესა თუ ის ფრაზა, წინადადება. ამიტომ, აუდიოვერსიას დიდი მნიშვნელობა აქვს. მათ შორის პრაქტიკული დანიშნულებაც.ზოგიერთ ადამიანს უდროობის გამო უჭირს წიგნის მოხმარება, ან ხშირად ატარებს დრო საჭესთან, ბევრს მოგზაურობს. ამიტომაც, ეს მათთვის მოსახერხებელი იქნება", - ამბობს ბუბა კუდავა და დასძენს, რომ აუდიოვერსია "საზოგადოებრივი მაუწყებლის" მხარდაჭერით მომზადდა, რომელსაც ენათმეცნიერი ნათია ფონიავა და "მარგალურ ნინაშ ასოციაციაშ" (მეგრული ენის ასოციაციის) დამფუძნებელი გივი ქარჩავა ახმოვანებენ.
წიგნი გათვლილია არამხოლოდ სამეგრელოს რეგიონის მცხოვრებლებზე, არამედ ქვეყნის დანარჩენ მოსახლეობაზეც, ვინც კი ქართველური ენების შესწავლით დაინტერესდება.
ფაქტობრივად მზად არის სვანური ენის სახელმძღვანელოც, რომელიც მიმდინარე წელს გამოიცემა. უკვე ამის შემდეგ ლაზური ენის თვითმასწავლებელზეც დაიწყება მუშაობა. მათი შეძენა წიგნის ნებისმიერ მაღაზიაში იქნება შესაძლებელი.