სამეგრელო-ზემო სვანეთში ბოლო 24 საათის განმავლობაში კორონავირუსით ინფიცირებული 13 პაციენტი გამოჯანმრთელდა. 2 მარტის მონაცემებით, რეგიონის სამედიცინო დაწესებულებებში მკურნალობას აგრძელებს 100 პაციენტი. აქედან მძიმეა ექვსი მათგანის ჯანმრთელობის მდგომარეობა.

სახელმწიფო რწმუნებულის ადმინისტრაციის ინფორმაციით, დეტალური მონაცემები ასეთია: რუხის კლინიკაში მკურნალობის კურსს გადის 46 კოვიდ პაციენტი, მათ შორის მძიმეა 3 პაციენტი. ფოთის ჰოსპიტალში 22 მკურნალობს, მათ შორის 2 მძიმე. ზუგდიდის რეფერალური ჰოსპიტალში 5, მათ შორის მძიმეა 1. აბაშის „ევექსის“ კოვიდ კლინიკაში 6 პაციენტი. სენაკის „ლაზიკა მედიში“ 21 პაციენტი.

რეგიონის მასშტაბით სულ საკარანტინე სივრცეში იმყოფება 82 პირი.