მცდარია მოსაზრება, რომ სოხუმი მზადაა დიალოგისთვის, თბილისი კი არ პასუხობს - შერიგების მინისტრი
ეს არის მცდარი. უმაღლეს დონეზე მრავალჯერ, ზუსტად იმავე საჯარო
სივრცეში და ზუსტად იმავე გზით, არაერთხელ გავეცით პასუხი, - ასე
პასუხობს შერიგების და სამოქალაქო თანასწორობის საკითხებში სახელმწიფო
მინისტრი მოსაზრებას, რომ სოხუმი მზად არის დიალოგისთვის, თუმცა
თბილისი არ პასუხობს,
პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი საპარლამენტო კომისიის სხდომაზე თეა ახვლედიანმა აღნიშნა, რომ არაერთხელ განაცხადეს, რომ მზად არიან ამ დიალოგისთვის დეპოლიტიზირებულ თემებზე, ორივე საზოგადოების საერთო ინტერესების საკითხებზე სასაუბროდ ნებისმიერ დროს, ნებისმიერ ადგილას და ნებისმიერ დონეზე.
"ეს გაცხადდა მრავალჯერ როგორც საქართველოს პრეზიდენტის, ასევე პრემიერ-მინისტრის მიერ, ჩემ მიერ, ასევე სხვა კოლეგების მიერ არაერთხელ საჯაროდ. საქართველოს ხელისუფლებას არასდროს შეუწყვეტია დიალოგი აფხაზებთან და ამ შედეგებს აქვს კონკეტული სახელი. ხშირ შემთხვევაში არაფორმალურ კომუნიკაციას და დიალოგს მოჰქონდა გადამწყვეტი შედეგი. გვახსოვს ასევე, რომ აფხაზეთის ყოფილი დეფაქტო ხელისუფლების წარმომადგენლებისგანაც, არაერთხელ გაჟღერდა მსგავსი დიალოგის მზაობა. თუმცა, მათ შედეგი არ მოჰყოლიათ", - განაცხადა მინისტრმა.
თეა ახვლედიანის თქმით, აქვს სურვილი, სულ ცოტა ფართო საზოგადოებაში თუ არა, აქ მსხდომ დეპუტატებში მაინც მოიხსნას ეს საკითხი. მან პარლამენტარებს შეხვედრა და დახურულ ფორმატში თემის განხილვა შესთავაზა. სახელმწიფო მინისტრი ამბობს, რომ ამ ეტაპზე, ნებისმიერი გარემოების მიუხედავად, რომელიც შეიძლება ჩანდეს, თითქოს ხელს უშლის დიალოგს, კიდევ ერთხელ აცხადებს - საქართველოს ხელისუფლება არის მზად და მუშაობენ კონკრეტული გზებით განიხილონ, თუ როგორ შეიძლება ისეთი დიალოგი აწარმოონ, რომელიც დიალოგად ჩაითვლება.
აფხაზეთის დე ფაქტო პრეზიდენტმა ასლან ბჟანიამ, ასევე, ე.წ. უშიშროების საბჭოს მდივანმა სერგეი შამბამ რამდენჯერმე განაცხადეს, რომ ისინი მზად არიან საქართველოსთან დიალოგისთვის, რადგან ფიქრობენ, რომ ყველა საკითხი სწორედ მოლაპარაკებების გზით უნდა გადაიჭრას.
პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი საპარლამენტო კომისიის სხდომაზე თეა ახვლედიანმა აღნიშნა, რომ არაერთხელ განაცხადეს, რომ მზად არიან ამ დიალოგისთვის დეპოლიტიზირებულ თემებზე, ორივე საზოგადოების საერთო ინტერესების საკითხებზე სასაუბროდ ნებისმიერ დროს, ნებისმიერ ადგილას და ნებისმიერ დონეზე.
"ეს გაცხადდა მრავალჯერ როგორც საქართველოს პრეზიდენტის, ასევე პრემიერ-მინისტრის მიერ, ჩემ მიერ, ასევე სხვა კოლეგების მიერ არაერთხელ საჯაროდ. საქართველოს ხელისუფლებას არასდროს შეუწყვეტია დიალოგი აფხაზებთან და ამ შედეგებს აქვს კონკეტული სახელი. ხშირ შემთხვევაში არაფორმალურ კომუნიკაციას და დიალოგს მოჰქონდა გადამწყვეტი შედეგი. გვახსოვს ასევე, რომ აფხაზეთის ყოფილი დეფაქტო ხელისუფლების წარმომადგენლებისგანაც, არაერთხელ გაჟღერდა მსგავსი დიალოგის მზაობა. თუმცა, მათ შედეგი არ მოჰყოლიათ", - განაცხადა მინისტრმა.
თეა ახვლედიანის თქმით, აქვს სურვილი, სულ ცოტა ფართო საზოგადოებაში თუ არა, აქ მსხდომ დეპუტატებში მაინც მოიხსნას ეს საკითხი. მან პარლამენტარებს შეხვედრა და დახურულ ფორმატში თემის განხილვა შესთავაზა. სახელმწიფო მინისტრი ამბობს, რომ ამ ეტაპზე, ნებისმიერი გარემოების მიუხედავად, რომელიც შეიძლება ჩანდეს, თითქოს ხელს უშლის დიალოგს, კიდევ ერთხელ აცხადებს - საქართველოს ხელისუფლება არის მზად და მუშაობენ კონკრეტული გზებით განიხილონ, თუ როგორ შეიძლება ისეთი დიალოგი აწარმოონ, რომელიც დიალოგად ჩაითვლება.
აფხაზეთის დე ფაქტო პრეზიდენტმა ასლან ბჟანიამ, ასევე, ე.წ. უშიშროების საბჭოს მდივანმა სერგეი შამბამ რამდენჯერმე განაცხადეს, რომ ისინი მზად არიან საქართველოსთან დიალოგისთვის, რადგან ფიქრობენ, რომ ყველა საკითხი სწორედ მოლაპარაკებების გზით უნდა გადაიჭრას.