გადაწყვეტილებამდე მივიდნენ პოლიტიკური ლიდერები. ეს არ არის შეერთებული შტატების გადასაწყვეტი. ამავეს ვიტყვი ნიკა მელიასთან დაკავშირებით, - განაცხადა ზუგდიდში მყოფმა ამერიკის ელჩმა. კელი დეგნანის თქმით, მელია ოპოზიციური პარტიის ხელმძღვანელია, შესაბამისად, ძალიან მნიშვნელოვანია, რომ ის იყოს პარლამენტში და წარმოადგენდეს თავის ამომრჩეველს. ელჩმა იმედი გამოთქვა, რომ ეს მალე მოხდება.

კელი დეგნანი ამბობს, რომ ამ შეთანხმების მიღწევა იყო ძალიან მნიშვნელოვანი წინგადადგმული გადადგმული ნაბიჯი საქართველოს დემოკრატიული განვითარებისთვის, რომლის შედეგადაც, პარტიები შევიდნენ პარლამენტში. ახლა კი, ამ კანონპროექტის დეტალები არის საკითხი, რაც უნდა განიხილონ დეპუტატებმა და მივიდნენ საბოლოო გადაწყვეტილებამდე. მისივე შეფასებით, ეს ჯანსაღი პროცესია.

"ახლა არიან იქ, სადაც უნდა იმუშაონ და განახორციელონ ძალიან მნიშვნელოვანი რეფორმები, რაც გულისხმობს საარჩევნო და სასამართლო რეფორმებს, რომელიც გააუმჯობესებს ზოგადად პირობებს იმისთვის, რომ ჩატარდეს უკეთესი არჩევნები და აღდგეს ხალხის ნდობა არჩევნების და სასამართლო გადაწყვეტილებების მიმართ. მე შევაქებ იმ გამბედაობას პოლიტიკური პარტიებისა, რომლებმაც ხელი მოაწერეს ამ შეთანხმებას", - განაცხადა კელი დეგნანმა.

ნიკა მელია მზად არის მიიღოს ევროკავშირის შეთავაზებული გირაო, თუკი ამნისტიის შესახებ პროექტს გაიტანენ.

მანამდე ამერიკის ელჩი რეგიონში სახელმწიფო რწმუნებულს შეხვდა და განახლებული ამერიკული კუთხე გახსნა.