დღეს საქართველოში კულტურული მემკვიდრეობის ძეგლები ევროკავშირის დროშის ფერებში განათდა.

მათ შორის არის დადიანების სასახლე ზუგდიდში და სვანური კოშკი მესტიაში.


"ყოველთვის ვცდილობთ ევროპის დღე მთელი საქართველოს მასშტაბით აღვნიშნოთ - ამიტომ, გვიხარია საქართველოს გარშემო ევროკავშირის დროშის ფერებში განათებული 12 ღირსშესანიშნაობის ნახვა, მათ შორის ახალციხეში, ბათუმში, გორში, ქუთაისში, მესტიაში, მცხეთაში, ონში, ოზურგეთში, რუსთავში, თელავში, თბილისსა და ზუგდიდში.
მადლობა საქართველო, რომ ჩვენთან ერთად აღნიშნავთ ევროპის დღეს", - წერია ევროკავშირის წარმომადგენლობის ფეისბუკის გვერდზე.

9 მაისს, ევროკავშირი და საქართველო ევროპის დღეს აღნიშნავენ. 9 მაისს ევროკავშირი და მისი წევრი სახელმწიფოები ევროპის დღეს ზეიმობენ, რომელიც ევროპაში მშვიდობას და ერთობას აღნიშნავს.

ფოტო: სახელმწიფო რწმუნებულის ადმინისტრაცია.