კორონავირუსის საწინააღმდეგო ვაქცინით აიცრნენ ზუგდიდის მუნიციპალიტეტის საკრებულოს თავმჯდომარე მამუკა წოწერია, საკრებულოს წევრები, მერის მოვალეობის შემსრულებელი კონსტანტინე კაკავა და მერიის თანამშრომლები.

"დღეს, რუხის კლინიკაში გამიკეთდა კოვიდის საწინააღმდეგო ვაქცინა "სინოფარმი", ყოველგვარი გვერდითი მოვლენების გარეშე. თქვენც მოგიწოდებთ აუცილებლად ჩაიტაროთ ეს პროცესი, რადგან ეს არის გარდაუვალი და აუცილებელი პირობა იმისათვის, რომ დავამარცხოთ ჩვენი თანამედროვეობის ერთ-ერთი უმძიმესი სენი" - განაცხადა საკრებულოს თავმჯდომარემ.