ახალი ამბები
„გოგონები მომავლიდან“ და შეხვედრა მწერალ ნინო ხარატიშვილთან - ამბავი ძლიერ ქალებზე [ფოტო]
FaceBook Twitter
E-mail Print
ზუგდიდის ბოტანიკურ ბაღში შეხვედრა გაიმართა გერმანულენოვან ქართველ მწერალთან, ნინო ხარატიშვილთან. არაერთი ცნობილი წიგნის, პიესის ავტორმა ისაუბრა საკუთარ ცხოვრებაზე, შემოქმედებით პირველ ნაბიჯებზე, იმაზე, თუ როგორ ჩამოყალიბდა იმ ადამიანად, ვინც დღეს არის, როგორ დაიწყო წერა და ვისზე, ან რაზე წერს. განსაკუთრებული ყურადღება დაეთმო მის გახმაურებულ რომანს "მერვე სიცოცხლე (ბრილკას), რომელიც მეოცე საუკუნის მძიმე წლებზე არა ომის ბატალიების გადმოსახედიდან, არამედ სახლში დარჩენილი ქალების ამბებით გვიყვება.

მწერლის თქმით, ამ წიგნს წინ უძღოდა ძალიან ბევრი, ბავშვობიდან დაგროვილი კითხვები და პასუხების პოვნის მცდელობა. თავიდან უნდოდა ერთ ქართულ ოჯახზე დაეწერა. ისტორიის ფოკუსი 80-90-იანი წლები იქნებოდა, რომელ ეპოქაშიც გაიზარდა და მისთვის კარგად ნაცნობი იყო. მერე მიხვდა, რომ ეს წლები მხოლოდ რაღაცის დასასრული იყო და ამ ამბავს სხვა დასაწყისი ჰქონდა. ასე იმოგზაურა დროში.

"მერე იმდენად ჩამითრია ამ ყველაფერმა, რომ ვერ გავჩერდი. ჩემთვის ეს იყო სახლივით. რომ მეგონა ამ სახლის ყველა ოთახში შევიხედე, ყველა კარი გავაღე, აღმოვაჩენდი, რომ იმის იქით კიდევ კარებია, იმის იქით კიდევ", - ასე გაიხსენა რომანის შექმნის წლები ნინო ხარატიშვილმა.

შეხვედრას ესწრებოდა გაეროს მოსახლეობის ფონდის საქართველოს ოფისის ხელმძღვანელი ლელა ბაქრაძეც. მისი თქმით, უკვე ოცი წელია იმისთვის მუშაობენ, რომ ქალები და გოგონები გაძლიერდნენ, იცხოვრონ კიდევ მეტად თანასწორ, სოციალურად სამართლიან, დემოკრატიულ საზოგადოებაში.

"ეს საუბარი ქალბატონ ნინო ხარატიშვილთან მისი არაჩვეულებრივი წიგნის გარშემოც, ნამდვილად ძალიან სიმბოლურია, რადგან ეს არის საგა, საქართველოს ბოლო 100 წლის ისტორიაზე, დანახული ქალების ისტორიის და ქალი გმირების ბედის და მათი გზის გავლით. ძალიან ბევრისმთქმელი და დასაფიქრებელი იქნება ეს წიგნი ყველასთვის, ვინც წაიკითხავს, თუ რა როლი აქვს ჩვენს საზოგადოებაში ქალს, მამაკაცს და კიდევ ერთხელ გადავიაზროთ, თუ რაიმე სტერეოტიპი გვაქვს ამასთან დაკავშირებით", - მიმართა ლელა ბაქრაძემ აუდიტორიას.

ღონისძიების ლიტერატურული ნაწილის პარარელურად, ბოტანიკური ბაღის სივრცეში დინა ოგანოვას ფოტოგამოფენა მოეწყო "გოგონები მომავლიდან". ეს არის 10-16 წლამდე მოზარდების ისტორია, რომლებიც იბრძვიან ცვლილებებისთვის მათ გარშემო და სტერეოტიპებს ამსხვრევენ. ნაადრევი ქორწინება, განათლების მიღების შესაძლებლობა, იმ საქმის კეთება, რაც მოსწონთ და არა იმის, რასაც კარნახობენ - ეს ის საერთო პრობლემებია, რაზეც ქვეყნის მასშტაბით, სხვადასხვა რეგიონში მცხოვრები გოგონები ყვებიან. ფოტოგრაფმა "ლაივპრესს" უთხრა, რომ ეს პრობლემები მხოლოდ ეთნიკურ უმცირესობებს არ ეხებათ.

"ქართველებშც არის ეს პრობლემა. ძირითადად განათლების პრობლემაა. მინდოდა ეს თემა წამოწეულიყო. მე დავინახე, რომ ეს გოგონები მზად არიან იბრძოლონ საკუთარი სურვილებისთვის. ძალიან მომწონს ახალი თაობა და მგონია, რომ ძალიან მაგარი ტიპები არიან, ბევრად თავისუფალი, გახსნილები და მიზანდასახულები. ბევრს უკვირდა, როცა ვეუბნებოდი პრობლემაზე, რომ ასე და ასე ხდება. არა, მეუბნებოდნენ, რომ მე ვაპირებ სწავლის გაგრძელებას, მე ფეხურთის თამაშიც მინდა", - იხსნებს ფოტოგრაფი.

ამ გამოფენით სურს საზოგადოებას დაანახოს მოზარდების სურვილები, რეალური საჭიროებები, რათა დაეხმარონ მათ ჩანაფიქრის, მიზნების განხორციელებაში.

დღევანდელი შეხვედრა გამომცემლობა "ინტელექტმა" გაეროს მოსახლეობის ფონდთან თანამშრომლობით გამართა. გამომცემლობის მთავარი რედაქტორის, ზვიად კვარაცხელიას თქმით, ზუგდიდელემს ჰქონდათ შესაძლებლობა, პირადად გაეცნოთ გერმანულენოვანი ქართველი მწერალი, რომელიც ძალიან პოპულარულია და მსოფლიოს მრავალ ენაზეც ითარგმნა მისი წიგნები.

"დღეს თბილისის შემდეგ, ზუგდიდი პირველი ქალაქია, სადაც ნინო ხარატიშვილთან შეხვედრა შედგა. ვფიქრობ, მკითხველს და იმ ადამიანებს, ვისაც ძალიან ბევრი შეკითხვა დაუგროვდა, და ასეთი ბევრია, დღეს ჰქონდათ საშუალება, კითხვები დაესვათ ავტორისთვის და მისგან პასუხები მოესმინათ", - აღნიშნა მან.

ზუგდიდის შემდეგ, ღონისძიების ქუთაისსა და ბათუმში გამართვა იგეგმება.
Print E-mail
Twitter
სხვა მასალები
სვანეთში, მწვერვალ თეთნულდზე დაკარგული სამი
20:46 / 02.10.2022
სვანეთში, მწვერვალ თეთნულდზე დაკარგული სამი
მთავრობის კანცელარიასთან საპროტესტო აქცია გამართეს ოკუპირებულ
აფხაზეთში
13:48 / 02.10.2022
მთავრობის კანცელარიასთან საპროტესტო აქცია გამართეს ოკუპირებულ აფხაზეთში
12:04 / 02.10.2022
"აზოვის" პოლკის მეომრებს ტყვეობაში ყოფნისას რუსები ისე ექცეოდნენ, როგორც ცხოველებს - აშიშვლებდნენ,
უკრაინის პრეზიდენტ ვოლოდიმირ ზელენსკის განცხადებით, ამ კვირაში
დონბასში
10:33 / 02.10.2022
უკრაინის პრეზიდენტ ვოლოდიმირ ზელენსკის განცხადებით, ამ კვირაში დონბასში
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.