საქართველოს სტატისტიკის ეროვნული სამსახურის მონაცემებით, 2021 წლის მაისში, წინა თვესთან შედარებით ინფლაციის დონემ 0.7 პროცენტი, ხოლო წლიური ინფლაციის დონემ 7.7 პროცენტი შეადგინა.

მაისში ყველაზე მეტად, ტრანსპორტის ჯგუფში გაიზარდა ფასები 2.0 პროცენტით, რაც 0.26 პროცენტული პუნქტით აისახა მთლიანი ინდექსის ცვლილებაზე. ფასები გაიზარდა პირადი სატრანსპორტო საშუალებების ექსპლუატაციაზე (2.8 პროცენტი).

მეორე ადგილზე ფასების მატებით სასტუმროები, კაფეები და რესტორნებია: ამ ჯგუფში ფასები გაიზარდა 1.4 პროცენტით. შესაბამისად, თვის ინდექსში შეადგინა 0.09 პროცენტი.

შემდეგ მოდის ავეჯი, საოჯახო ნივთები, სახლის მოვლა: ჯგუფში დაფიქსირდა ფასების 1.7 პროცენტიანი მატება, რაც თვის ინფლაციის მთლიან მაჩვენებელზე 0.09 პროცენტული პუნქტით აისახა.

რაც შეეხბა სურსათს და უალკოჰოლო სასმელებს: ჯგუფში ფასები გაიზარდა 3.3 პროცენტით, რაც წლიურ ინფლაციაზე 1.07 პროცენტული პუნქტით აისახა.

წინა თვესთან შედარებით, ზეთისა და ცხიმის ფასმა 42.7%-ით კიდევ მოიმატა. შაქარი, ჯემი და სხვა ტკბილეული 13.7%, რძე, ყველი და კვერცხი 8.0%, ყავა, ჩაი და კაკაო 8.0%, თევზეული 7.6%, მინერალური და წყაროს წყალი, უალკოჰოლო სასმელები და ნატურალური წვენები 7.2%, ხორცი და ხორცის პროდუქტები 6.0%, პური და პურპროდუქტები 5.8%.

ფასები შემცირებულია ბოსტნეულსა და ბაღჩეულზე -23.3%, ასევე ხილსა და ყურძენზე -20.9%. ასევე 20.9 პროცენტით გაიაფდა ხილი და ყურძენი.