ნინოწმინდის ბავშვთა პანსიონატის აღსაზრდელების მხარდამჭერი ნახატი წარწერით "ნინო მინდა" ზუგდიდის შემდეგ, ახლა უკვე თბილისში, საპატრიარქოს კედელზე გაკეთდა.

წარწერა "ნინო მინდა" პანსიონატში სახალხო დამცველის, ნინო ლომჯარიას ვიზიტის აუცილებლობაზე მიუთითებს. მანამდე იგივე ნახატი დადიანების ეზოში, ტაძრის მიმდებარედ დატოვეს.

საპატრიარქოს დაქვემდებარებაში არსებულ ნინოწმინდის პანსიონში, რომლის ყოფილი არსაზრდელები მედიასთან ძალადობის შესახებ საუბრობენ, არ უშვებენ სახალხო დამცველს.

ომბუდსმენმა ნინო ლომჯარიამ სამართალდამცავი უწყებებისგან მიღებულ ინფორმაციაზე დაყრდნობით განაცხადა, რომ დაწყებულია 4 გამოძიება პანსიონატში ძალადობის, მათ შორის სექსუალური ძალადობის სავარაუდო ფაქტებზე.