სამეგრელოს ერთ-ერთ მუნიციპალიტეტში ცეცხლი წაუკიდეს იმ სახლს სადაც 8 წლის ბავშვის გაუპატიურებაში ბრალდებული მამა-შვილი ცხოვრობდა. მიუხედავად იმისა, რომ საცხოვრებელ სახლს პოლიცია იცავდა, მოზარდის ახლობლებმა და სოფლის მცხოვრებლებმა ცეცხლის გაჩენა სახლში მაინც შეძლეს.

სამეგრელოს პოლიციამ არასრულწლოვნის გაუპატიურებისთვის მამა-შვილი, 65 და 35 წლის მამაკაცები დააკავა. ისინი მოზარდის მეზობლები არიან.

მომხდარზე გამოძიება საქართველოს სისხლის სამართლის კოდექსის 137-ე მუხლით მიმდინარეობს, რაც გაუპატიურებას გულისხმობს.